2 Mikoka 18:2 - Tonga Bible 1986

² Pavuli pa virimika vyamwenga wanguruta kwaku Ahabu ku Samaria. Ndipo Ahabu wangumbayiya mberere ndi ng'ombe zinandi iyo, ndi ŵanthu wo wenga nawo, ŵangumpemberezga kuti warute nayo kwa chirwana ndi Ramoti-gileada.

2 Mikoka 18:2 ပူးပေါင်းရင်းမြစ်များ

1 ŴaKaronga 1:9

Adoniya wangusaska sembe ya mberere, ng'ombe, ndi vyamafuta pafupi ndi Mwa wa Njoka, wo wepafupi ndi Enrogeli, ndipo wangudaniyako ŵana ŵanyake wose, ŵana ŵa karonga ndi ŵanangwa wose ŵamu ufumu waYuda,

1 ŴaKaronga 17:7

Ndipo pavuli pa kanyengo kamsinji kangukamuka, pakuti ku charu kwengavi vuwa.

1 ŴaKaronga 4:13

Bengaberi, mu Ramoti-gileada (wenga ndi mizi yaku Jairi, mwana waku Manase, yo yemu Gileada; ndipo wenga ndi chigaŵa cha Argobu, cho chemu Bashani, misumba yikuru machumi nkhondi ndi limoza (60) ya malinga ndi mipiringizgu ya mkuŵa);

2 ŴaKaronga 9:1

Sono Elisha mchimi wangudana yumoza wa ŵana ŵa ŵamchimi wangunena nayo, “Vwara zikho, ndipo upinge supa iyi ya mafuta ndi uruti ku Ramoti-gileada.

2 Mikoka 18:3

Ahabu karonga waku Yisraele wanguti kwaku Yehosafati karonga waku Yuda, “Kumbi murutenge nane ku Ramoti-gileada?” Iyo wangumwamuka wanguti, “Ine ndenge ndiwe, ŵanthu ŵangu nawo so nge mbanthu ŵako. Tirutenge nawe ku nkhondo.”

2 Mikoka 19:2

Kweni Yehu mwana waku Hanani muwona wanguruta kwachikumana nayo, wanguti kwaku Yehosafati, “Kumbi ukwenere kovya ŵaheni ndi kwanja wo ŵatinkha Chiuta? Pa chifukwa ichi kandundu kaku Chiuta ke paku iwe.

Nehemiya 13:6

Penipo chachitikanga ichi ine kuti ndenga mu Yerusalemu cha, pakuti mu chirimika cha machumi ghatatu ndi viŵi chaku Arataserese karonga wa Babiloni ndinguruta ku karonga yo. Ndipo yinguti yakapo nyengo ndingupempha karonga kundizomerezga,

Marangu 4:43

Misumba yo yitatu ndi Bezere mu bozwa pa charu cha chidika, wa ŵina Rubene, ndi Ramoti mu Gileada wa ŵina Gadi, ndi Golana mu Bashani, wa ŵina Manase.

Yoswa 20:8

Ndipo kusirgha ku Yordane ku vuma kwa Yeriko, ŵangusankha Bezere mu bozwa pa charu cha chidika, kutuwa ku fuku laku Rubene, ndi Ramoti mu Gileada, kutuwa ku fuku laku Gadi, ndi Golani mu Bashani, kutuwa mu fuku laku Manase.