2 Mikoka 17:9 - Tonga Bible 1986

⁹ Ndipo ŵangusambizga kwaku Yuda, ŵenga ndi buku la marangu gha Ambuya, ŵangwendendeka mu misumba yose yaku Yuda kusambizga ŵanthu.

2 Mikoka 17:9 ပူးပေါင်းရင်းမြစ်များ

2 Mikoka 15:3

Yisraele wanguja nyengo yitali wambura Chiuta wa uneneska, ndi wambura mzukuru wakusambizga, ndi kwambura dangu.

2 Mikoka 19:8

Ndipo Yehosafati wangumika so mu Yerusalemu ŵaLevi ndi ŵazukuru ndi ŵara ŵa nyumba za ŵaYisraele, kweruzgiya Ambuya ndi kudumuwa milando. Ndipo ŵenga ndi vitengo vyawo mu Yerusalemu.

2 Mikoka 35:3

Ndipo wanguti ku ŵaLevi wo ŵasambizganga Yisraele yose, wo ŵenga ŵakupaturikiya ku Ambuya, wanguti, “Ŵikani bokosi lakupaturika mu nyumba yo Solomoni mwana waku Davidi, karonga waku Yisraele wanguzenga; lireke kuŵa katundu pa maphewa ghinu sono. Sono tatariyani Ambuya Chiuta winu, ndi ŵanthu ŵake wose ŵaYisraele;

Nehemiya 8:7

Ndipo Yeshua, Bani, Sherebiya, Jamini, Akubu, Shabatai, Hodiya, Maseya, Kelita, Azariya, Yozabadi, Hanani, Pelaya, ŵaLevi, ŵangovya ŵanthu kuwamo dangu, penipo ŵenga ŵeche mu malo ghawo.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Mateyu 10:23

Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.

Mateyu 11:1

Ndipo kunguŵa kuti wati wamara Yesu kuŵalanguliya wasambizi ŵake chumi ndi ŵaŵi, wangutuwako kweniko wanguruta kwachisambizga ndi kutaula mu mizi yawo.

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Yohane 5:46

Chifukwa asani mwavwananga ndi Mosese mphanyi mwavwana ndi ine; chifukwa wangulemba iyo vya paku ine.

Machitidu gha Ŵakutumika 13:15

Ndipo pavuli pa chiŵerenga cha chilangulu ndi ŵamchimi, ŵara ŵa sinagoge ŵangutuma kwaku wo, ŵakuti, “Mwa ŵanthu mwa ŵabali, asani mwe nagho mazu ghakuchichizgiya khamu lo, kambani.”

Machitidu gha Ŵakutumika 15:21

Chifukwa kutuwa ku migonezi yamtendeku Mosese we nawo mu muzi, wo ŵatimumemeza, pakuŵerengeka mumasinagoge sabata ndi sabata.”

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

Machitidu gha Ŵakutumika 8:40

Kweni Filipu wangusanirika mu Azotu; ndipo pakuporotamu wagozgeyanga evangeli ku mizi yose mpaka wanguziya ku Kaisarea.

ŴaRoma 3:2

Nchinandi kosekose; chakudanga na, nchakuti ghangupazgikiya iwo manenedu ghaku Chiuta.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.