2 Mikoka 17:7 - Tonga Bible 1986

⁷ Muchirimika cha chitatu chakuwusa kwake wangutuma zinduna zake Benihaili, ndi Obadia, ndi Zekariya, ndi Nataneli, ndi Mikaya kusambizga mu misumba yaku Yuda.

2 Mikoka 17:7 ပူးပေါင်းရင်းမြစ်များ

2 Mikoka 35:3

Ndipo wanguti ku ŵaLevi wo ŵasambizganga Yisraele yose, wo ŵenga ŵakupaturikiya ku Ambuya, wanguti, “Ŵikani bokosi lakupaturika mu nyumba yo Solomoni mwana waku Davidi, karonga waku Yisraele wanguzenga; lireke kuŵa katundu pa maphewa ghinu sono. Sono tatariyani Ambuya Chiuta winu, ndi ŵanthu ŵake wose ŵaYisraele;

2 Mikoka 15:3

Yisraele wanguja nyengo yitali wambura Chiuta wa uneneska, ndi wambura mzukuru wakusambizga, ndi kwambura dangu.

Machitidu gha Ŵakutumika 1:1

Mu mazu ghakudanga gho, a Teofilo, ndingukonkhoska vyose vyenivyo Yesu wangwanda kuchita ndi so kusambizga,

Marko 4:2

Ndipo waŵasambizganga vinandi mu zintharika, ndipo waŵaneneyanga mu chisambizgu chake,

Mateyu 4:23

Ndipo Yesu wazunguliyanga Galile yose, wakusambizga mu masinagoge ghawo, ndi wakumemeza evangeli wa ufumu wo, wakuchizga nthenda yose ndi unthomboru wose mukati mu ŵanthu.

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

Wakutaula 1:12

Ine Wakutaula ndenga karonga wa ŵaYisraele mu Yerusalemu.

Sumu 51:13

Po ndipo ndisambizgenge ŵakupuruka nthowa zinu ndipo ŵakunanga ŵaweriyenge kwaku imwe.

Sumu 34:11

Zaninga, mwa ŵana, vwani kwangu, ndikamusambizganinga kopa Ambuya.

Nehemiya 9:3

Ndipo ŵanguma mu malo ghawo ndi ŵanguŵerenga mu buku la dangu la Ambuya Chiuta wawo chigaŵa chimoza cha vinayi pa zuŵa; pa chigaŵa chinyake cha vinayi vyo ŵanguzomera ndi kusopa Ambuya Chiuta wawo.

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

Marangu 33:10

Ŵakarunguchizganga Yakobe vyeruzgu vinu ndi Yisraele dangu linu, wakaperekanga vya chema paurongo pinu ndi sembe yose yakocha pa jochero linu.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Maŵerengedu 1:8

waku Isakara, Netanele mwana waku Zuara,

ŴaLevi 14:42

sono wakatonga mya yinyake kuyiŵika mu malo gha mya yo ŵatuzgamo, ŵato dongo linyake ndi kukuluŵa nyumba yo.

Ezra 7:25

“Ndipo iwe Ezra, kwakulingana ndi vinjeru vyaku Chiuta wako vyo vye ndi iwe, umike ŵeruzgi ŵa charu ndi ŵeruzgi ŵa milando wo ŵeruzgenge ŵanthu wose ku sirgha liya la msinji, wose wo ŵaziŵa marangu ghaku Chiuta wako, ndipo wo ŵalivi kuziŵa uŵasambizgi.