2 Mikoka 17:4 - Tonga Bible 1986

⁴ Kweni wangupenja Ambuya Chiuta wa awiske, wangwenda mu marangu ghake, kwambura kwenda mu nthowa zaku Yisraele.

2 Mikoka 17:4 ပူးပေါင်းရင်းမြစ်များ

1 ŴaKaronga 12:28

Viyo karonga wanguchita upu, ndipo wanguchita mathole ghaŵi gha golide. Ndipo wanguti ku ŵanthu, “Mwakwere ku Yerusalemu nyengo yitali ukongwa: Awonani ŵachiuta ŵinu, Yisraele we, ŵeniwo ŵangukutuzgani mu charu cha Egipiti.”

1 ŴaKaronga 12:30

Ndipo ichi chingusanduka mphurupuru, pakuti ŵanthu ŵanguruta kwaku yo wamu Betele ndi munyake waku Dani.

1 ŴaKaronga 12:33

Wangukwere ku guŵa la sembe lo wanguzenga mu Betele pa zuŵa la chumi ndi ghankhonde mu mwezi wa chinkhonde ndi chitatu lenilo. Wangwata mu mtima wake; wangumikiya dghera ŵaYisraele, ndipo wangukwere ku chiguŵa cha sembe kwachocha vya kusunkhizga.

1 ŴaKaronga 3:3

Solomoni wangwanja Ambuya, wakwenda mu marangu ghaku Davidi wiske; chimoza pe, wangupereka sembe zakocha pa malo gha pachanya.

1 ŴaKaronga 9:4

Ndipo kwaku iwe, asani ukendanga paurongo pangu ulaka ndimo Davidi auso ŵangwende, mu ukongorekwa wa mtima ndi kunyoroka, kuchita kwakulingana ndi vyose vyenivyo, ndakulanguliya, kusunga marangu ghangu ndi vyeruzgu vyangu,

2 ŴaKaronga 17:19

Yuda nayo kuti wangusunga marangu gha Ambuya Chiuta wake cha, kweni wangwenda mu malusu ghenigho Yisraele wangwata.

2 ŴaKaronga 8:18

Ndipo wangwenda mu nthowa ya ŵakaronga waYisraele, uli ndimo nyumba yaku Ahabu yinguchitiya, pakuti mwana muthukazi waku Ahabu ndiyu wenga muwoli wake. Wanguchita cho chenga chiheni mu maso gha Ambuya.

2 Mikoka 14:6

Ndipo wanguzenga mizi ya malinga mwaku Yuda, chifukwa charu chingupumuwa. Wengavi nkhondo mu virimika viya chifukwa Chiuta wangumpumuzga.

2 Mikoka 17:3

Ndipo Chiuta wenga nayo Yehosafati chifukwa wendanga mu nthowa zakudanga, wengavi kupenja ŵaBala.

2 Mikoka 21:12

Ndipo kunguza kalata kwake kuturiya kwaku Eliya mchimi, wakuti, “Ndimo viyo anene Ambuya Chiuta wa ausu, kuti ‘Chifukwa ulivi kwenda mu nthowa yaku Yehosafati ausu, pamwenga mu nthowa zaku Asa karonga waku Yuda,

2 Mikoka 22:9

Wati wachita viyo wangumpenja Ahaziya wangukoreka wachibisama mu Samaria, wanguza nayo kwaku Yehu, wangumbaya. Ŵangumuŵika, chifukwa ŵanguti “Ndi mzukuru waku Yehoshafati yo wangurembe Chiuta ndi mtima wake wose.” Ndipo nyumba yaku Ahaziya yengavi Yumoza wanthazi wakuti wangasunga ufumu.

2 Mikoka 27:6

Viyo Yotamu wanguŵa wanthazi chifukwa wangunozga nthowa zake paurongo pa Ambuya Chiuta wake.

2 Mikoka 29:2

Wanguchita cho chenga chakurunjika pa maso pa Ambuya, kwakuyana ndi chose cho mbuyake Davidi wanguchita.

2 Mikoka 34:2

Wanguchita cho nchamampha mu maso ghaku Chiuta, ndipo wangwenda munthowa zaku Davidi mbuyake; kuti wangupatukiya cha ku lamarghe pamwenga lamaze.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

1 ŴaTesalonika 2:12

kwenda kwakwenere chiuta, yo wakudaniyanimo mu ufumu ndi unkhankhu waku iyo mweneko.

1 ŴaTesalonika 4:1

Viyo pakumariya, mwa ŵabali, tiŵeyere ndipo tichiskiya imwe mu Ambuya Yesu, kuti, uli ndimo munguvwiya kwaku ifwe mo mutenere kujariya ndi kukondweske Chiuta, uli ndimo so muchitiya, murutiriyenge kwakukiyakiya.