2 Mikoka 16:9 - Tonga Bible 1986

⁹ Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

2 Mikoka 16:9 ပူးပေါင်းရင်းမြစ်များ

Chiyambo 31:28

Ndipo chifukwa nchine wengavi kundizomerezga kulaliskana ndi kufyofyontha ŵana ŵangu ŵanthurumi ndi ŵanthukazi? Awona ukuchita kwa kupusa.

2 Samuele 24:10

Kweni mtima waku Davidi ungulasika pavuli pakuŵerenga ŵanthu. Ndipo Davidi wanguti ku Ambuya, “Ndalakwa ukongwa mwaku ichi ndachita. Kweni sono Ambuya ndimupemphani, tuzgani uheni waku ndamteŵeti winu; pakuti ndachita kwakupusa ukongwa.”

1 ŴaKaronga 15:32

Ndipo penga nkhondo pakati paku Asa ndi Basha karonga waku Yisraele mu mazuŵa ghawo ghose.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 Mikoka 21:8

Ndipo Davidi wanguti kwaku Chiuta, “Ndalakwa ukongwa, chifukwa ndachita chinthu ichi, kweni sono ndimuŵeyani kuti mutuzgepo kwananga uku kwa mteŵeti winu, pakuti ndachita kwakupusa.”

2 Mikoka 15:17

Kweni malo ghapachanya ghangutuwamo cha mu Yisraele. Kweni ndipuuli mtima waku Asa wenga umphyemphyemo mazuŵa ghake ghose.

2 Mikoka 15:19

Kuti kwenga so nkhondo cha mpaka kufikiya ku chirimika cha machumi ghatatu ndi vinkhonde (35) cha muusu waku Asa.

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

2 Mikoka 19:9

Ndipo wanguŵapangizga kuti, “Muchitenge ndikuŵawopa Ambuya, muŵenge ŵamagomekezgeka ndi mtima winu wose.

2 Mikoka 6:20

mwakuti maso ghinu ghajurikiye pa nyumba iyi msana ndi usiku, pa malo gho mwapangana kuti muŵikengepo zina linu, kuti muvwenge rombo lo ndamteŵeti winu ndiromba kurazga ku malo ghinu.

Ezra 5:5

Kweni jiso laku Chiuta wawo lenga pa ŵara ŵaku Yuda, ndipo ŵamirizi yaŵa ŵengavi kuŵakanizga mpaka makani ghakafike kwaku Dariusi ndipo ŵavwe kwamuka kwake mu kalata.

Jobu 28:24

Chifukwa walereska kumpherekezgu za charu, ndi wawona kanthu kose ka panu pa charu.

Jobu 31:4

Kumbi iyo kuti wawona nthowa zangu cha, ndi kuŵerenga michapo yangu yose?

Jobu 34:21

“Pakuti maso ghake ghe pa nthowa za munthu ndipo ghawona mendero ghake ghose.

Sumu 113:6

Kweni akotamiya pasi kulereska machanya ndi charu chapasi.

Sumu 33:14

kutuliya pa malo ghawo ghakujapo alereska paku wose ŵakuja pa charu,

Sumu 33:15

iwo ndiwo akuumba mitima yaku wose, ndipo athoŵa machitidu ghawo ghose.

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Nthanthi 15:3

Maso gha Ambuya ghemu malo ghose, ghalereska ŵaheni ndiŵamampha.

Nthanthi 5:21

Pakuti nthowa za munthu ze paurongo pa maso gha Ambuya, ndipo iwo ŵateska nthowa zake zose.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yeremiya 16:17

Pakuti maso ghangu ghe pa nthowa zawo zose, kuti mbakubisama cha kwangu, nanga mbutimbanizi wawo kuti ngwakubisika ku maso ghangu cha.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

Yeremiya 5:21

“Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Zekariya 4:10

Chifukwa yose yo wanguyeya zuŵa la tunthu tumana wakasekeriyanga, ndipo wawonenge chingwi chakupimiya cha muzengi mu janja laku Zerubabele. “Yagha ghankhonde ndi ghaŵi ndi maso gha Ambuya gho ghalereska mu charu chose chapasi.”

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

1 ŴaKorinte 15:36

Mzereza we, cho umija iwe kuti chingasanduskika chamoyo cha, kwambura kuti chadanga chafwa.

ŴaGalatia 3:1

Mwa ŵaGalatia mwaŵakupusa, njani warowa imwe, pa maso ghaku maŵenimwe Yesu Kristu wakupayikika wataulikiya pakweru?

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

1 Petro 3:12

Pakuti maso gha Mbuya ghe pa ŵarunji, ndi makutu ghake ku niniziku lawo; kweni chisku cha Mbuya chimikana ndi ŵakuchita uheni.”

1 Samuele 13:13

Samuele wanguti, “Wachita kwakupusa; kuti wasunga dangu la Ambuya Chiuta cha, lo angukulanguliya pakuti sono mphanyi Ambuya akuzganga ufumu wako paku Yisraele muyaya.