2 Mikoka 13:7 - Tonga Bible 1986

⁷ ndipo ŵanthu ŵanyake ŵaŵakaŵaka ŵawungana kwaku iyo ndi kujikwimiska kumikana ndi Rehoboamu mwana waku Solomoni, penipo Rehoboamu weche mwana wa mtima uteta wambura nthazi kulimbana nawo kuti wajitaski.

2 Mikoka 13:7 ပူးပေါင်းရင်းမြစ်များ

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

1 ŴaKaronga 21:10

Ndipo mumike ŵanthu ŵatesi ŵaŵi ŵakumikana nayo, ndipo yaŵa ŵampaske mulando, kunena kuti, ‘Iwe watuka Chiuta ndi karonga.’ Pavuli mumutuzge, mumudine ndi mya kuti wafwe.”

1 ŴaKaronga 21:13

Ndipo ŵanthu ŵatesi ŵaŵi wo ŵangusere ndi ŵanguja pasi pakuthyana nayo, ndipo ŵanthu ŵatesi wo ŵangutole Naboti mlando paurongo pa ŵanthu, ŵanguti, “Naboti wangutuka Chiuta ndi karonga.” Viyo ŵangumutuzga mu msumba ŵangumudina ndi mya wangufwa.

2 Mikoka 10:16

Viyo ŵaYisraele wose ŵanguti ŵawona kuti karonga wengavi kuŵavwiya, ŵanguti kwaku iyo, “Kumbi tendi phande uli mwaku Davidi? Tilivi chihara mu mwana waku Jese. Munthu yose waku imwe warutenge ku hema lake mwa ŵaYisraele mwe! Sono yilereskeni mwija nyumba yinu imwe a Davidi.” Viyo ŵaYisraele wose ŵanguruta ku mahema ghawo.

2 Mikoka 12:13

Viyo karonga wangujikhomeska mu Yerusalemu ndi wanguwusa. Rehoboamu wenga ndi virimika machumi ghanayi pachanya chimoza wandaŵe karonga, ndipo wanguwusa virimika chumi ndi vinkhonde pachanya viŵi mu Yerusalemu, muzi weniwo Chiuta wangutondo mu mitundu yose yaku Yisraele kuŵikamo zina lake. Zina la ŵanyina lenga Nama mu Amoni.

Jobu 30:8

Ŵana ŵa vindere, ŵana ŵa mbiri yiheni, ŵathyapulika ndi kuchimbizgikiya kutali kutuwa mu charu.

Sumu 26:4

Kuti ndija pamoza ndi ŵanthu ŵa mautesi cha, nanga nkhukambiskana ndi wakufuvya nako cha.

Nthanthi 12:11

Mweniyo walima munda wake wakaŵanga ndi viŵande vinandi, kweni mweniyo wandondoloska vyambura kanthu walivi chinjeru.

Nthanthi 28:19

Mweniyo walima charu chake wakaŵanga ndi kurgha kunandi, kweni mweniyo wandondoloska twaŵakaŵaka wakasaukanga ukongwa.

Wakutaula 10:16

Owe iwe, mtunda we, penipo karonga wako ndi mwana, ndi mafumu ghako ghaturgha madghera ndi mlenji.

Yesaya 3:4

Ndipo ndikachitanga ŵahurwa kuŵa ŵeruzgi ŵawo, malitema ndigho ghakaŵawusanga.

Machitidu gha Ŵakutumika 17:5

Kweni ŵaYuda, pakukoreka sanji, ŵangujitole ŵanthurumi ŵanyake ŵatimbanizi ndi ŵaheni, ndipo pakonganiska mzinda, ŵatimbanizganga muzi, ndipo pakudumiya nyumba yaku Jasone, ŵalembenga kuŵatole ku khamu lo.

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

Marangu 13:13

kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

Tito 1:10

Chifukwa ŵalipo ŵanandi ŵambura kuthera, ŵa mazu ghaŵaka ndi ŵakufuvya, viŵiviŵi wo ŵa mchinju wo.

ŴaHebere 5:12

Chingana pa nyengo iyi mukhumba kuŵa ŵasambizgi kweni mukavuka yumoza kukusambizgani so mitendeku ya chiyambu cha mazu ghaku Chiuta; ndipo mwaŵa ŵakukavuka mkaka, ndi chakurgha chakukhoma cha.

Ŵeruzgi 11:3

Sono Jefta wanguthaŵa ku ŵana ŵanyake, ndi wajanga mu charu cha Tobo, ndipo ŵanthu ŵa uliuli ŵangujiwungang'a kwaku Jefta ndipo ŵarutanga nayo kwachichita vivwamba.

Ŵeruzgi 9:4

Ndipo ŵangumpaska machumi ghankhonde ndi ghaŵi (70) gha vimbanduka vya siliva vyo wangutuzga mu nyumba yaku Bala-beriti vyo Abimeleke wangulembere ŵanthu ŵauliuli ndi ŵambura kuphwere, wo ŵangumulondo.

1 Samuele 22:2

Munthu yose yo wanguŵa mu masuzgu ndi yose yo wanguŵa ndi mlandu wangungole, ndi yose yo wangupwetekeka mtima, ŵanguwunjikana kwaku iyo; ndipo wanguŵa nduna yawo. Ndipo kwenga pamoza nayo ŵanthu akhumba machumi pe chumi ghanayi (400).