2 Mikoka 1:6 - Tonga Bible 1986

⁶ Ndipo Solomoni wangukwere ku jochero la mkuŵa paurongo pa Ambuya, lenilo lenga mu hema lakuwunganamo, ndi wanguperekapo sembe zakocha chikwi chimoza (1,000).

2 Mikoka 1:6 ပူးပေါင်းရင်းမြစ်များ

1 ŴaKaronga 3:4

Ndipo karonga wanguruta ku Gibeoni kwachipereka sembe kwenikuwa, chifukwa gha ghenga malo ghakuru gha chisopo. Solomoni waperekanga chikwi chimoza (1,000) cha sembe zakocha pa jochero liya.

1 ŴaKaronga 8:5

Ndipo karonga ndi chiunganu chose chaku Yisraele, wo ŵanguwugana paurongo pake, ŵenga nayo pamoza paurongo pa bokosi, kupereka sembe za mberere zinandi ndi ng'ombe vyo vyenga vyambura maŵerengeka ndi kuziŵikwa unandi,

1 ŴaKaronga 8:63

Solomoni wangupereka nge ndi sembe ya chimangu ku Ambuya ng'ombe vikwi machumi ghaŵi ndi ŵivi (22,000) ndi mberere vikwi machumi pe chumi ndi machumi ghaŵi (120,000). Viyo karonga ndi khamu lose la Yisraele ŵangupatuwa nyumba ya Ambuya.

1 Mikoka 29:21

Wangubayiya sembe Ambuya, ndipo ndi mlenji, wangupereka sembe zakocha ku Ambuya, ng'ombe chikwi chimoza (1,000); mberere chikwi chimoza (1,000) ndi twana twa mberere chikwi chimoza (1,000), pamoza ndi sembe zawo za vyakumwa, ndi sembe zinandi ukongwa zakubayiya ŵaYisraele wose;

2 Mikoka 8:12

Viyo Solomoni wangupereka sembe zakocha ku Ambuya pa jochero la Ambuya lo wanguzenga pa maso pa khonde,

Yesaya 40:16

Lebanoni kuti wangakwaniska nkhuni cha, chingana ndi nyama zake kuti zikwana kuchitiya sembe yakocha cha.