2 Mikoka 1:12 - Tonga Bible 1986

¹² Zeru ndi mziŵiru vyapaskika kwaku iwe. Ndikupaskenge so uromba, vyuma, ndi kutumbikika, vyo palivi yumoza wa ŵakaronga wo ŵanguŵako paurongo pako wanguŵa navyo, ndipo so pakaŵangavi yumoza waku wo ŵakazanga pavuli pako yo wakaŵanga navyo.”

2 Mikoka 1:12 ပူးပေါင်းရင်းမြစ်များ

1 ŴaKaronga 10:24

Ndipo charu chose chapasi chingupenja kuwona Solomoni kuvwa zeru zake, zenizo Chiuta wanguŵika mu mutu wake.

1 Mikoka 29:12

Usambasi ndi ulemu vituliya kwinu ndipo imwe muteruzga paku vyose. Mu janja linu mwe nthazi ndi mazaza; ndipo so ghemu janja linu kukuzga ndi kupereka nthazi ku vyose.

1 Mikoka 29:25

Ndipo Ambuya angumuchita Solomoni kuŵa wambiri yikuru mukati mu ŵaYisraele wose ndi angumpaska mazaza gha ufumu ghenigho ghengavi kupaskika ku karonga we yose waku Yisraele, wakudanga kwaku iyo.

2 Mikoka 9:22

Viyo karonga Solomoni wanguruska mafumu ghose gha mu charu chapasi mu usambasi ndi zeru.

Nehemiya 13:26

Si wangulakwa Solomoni karonga waku Yisraele chifukwa cha ŵanthukazi ŵa viyo? Mukati mu mitundu yinandi mwengavi karonga wakuyana nayo, ndipo wangwanjiwa kwaku Chiuta wake, ndipo Chiuta wangumumika kuŵa karonga pa ŵaYisraele wose: ndipuuli ŵanthukazi ŵa chilendo ŵangumulakwiska.

Wakutaula 2:9

Viyo ndinguŵa mukuru kuruska wose wo ŵenga mu Yerusalemu paurongo pangu; ndipo so vinjeru vingujaririya mwangu.

Wakutaula 5:19

Munthu yose yo Chiuta wamupaska usambasi ndi vyuma ndi mazaza ghakukondwe navyo, kuronde phande lake ndi kusekere mu nchitu yake; ichi nchawezi chaku Chiuta.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.