1 Yohane 5:6 - Tonga Bible 1986

⁶ Mwenuyu ndiyo wanguziya mu maji ndi ndopa, Yesu Kristu; mu maji gho pe cha, kweni mu maji gho ndi mu ndopa zo.

1 Yohane 5:6 ပူးပေါင်းရင်းမြစ်များ

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

ŴaLevi 17:11

Pakuti umoyo wa liŵavu ndi ndopa; reka ndazisankha kuŵa zakupepeske pa jochero chifukwa chinu: ndi ndopa, ndizo umoyo, ndizo zichita mphepeska.

Zekariya 9:11

Kweni iwe nawe, chifukwa cha ndopa za phanganu langu ndi iwe, ndituzgenge wamagoŵa wako mu mbuna yambura maji.

Mateyu 26:28

chifukwa ili ndi ndopa zangu za chipanganu chifya, zakudikiya pa chifwa cha ŵanandi ku chireke cha vilakwa.

Mateyu 3:16

Ndipo wachibatizika Yesu wati wazuwuka mu maji, ruŵi, machanya ghangumjurikiya, ndipo wanguwona Mzimu waku Chiuta, usiku ulaka ndi nkhunda, ndi kubota paku iyo.

Marko 14:24

Ndipo wanguŵanene, “Chenichi ndi ndopa zangu, za phanganu, zakudikiya pa ŵanandi.

Luka 22:20

Viyo so jomera nalo pavuli pa koneska, wakuti, “Jomera lenili nchipanganu chifya mu ndopa zangu, zakudikiya pa chifwa chaku imwe.]

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 6:55

Pakuti nyama yangu nchakurgha cheneko, ndopa zangu nchakumwa cheneko.

Machitidu gha Ŵakutumika 8:36

Ndipo ŵachiruta mu nthowa yo, ŵanguza pa maji ghakuti; ndipo wamthenu yo wanguti, “Awonani, maji! Chitindikanizga chine kubatizika?” [

ŴaRoma 3:25

mweniyo Chiuta wangumumika kuŵa mphepeska mu chivwanu, mu ndopa zake, kwachirongo urunji wake, pa chifukwa cha kujumphapo maulakwi ghakuŵapo kali, mu chilekerezga cho chaku Chiuta, ndititi,

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

ŴaKolose 1:4

tati tavwa ndi chivwanu chinu mwaku Kristu Yesu, ndipo ndi chanju cho mwe nacho kwaku wose ŵakupaturika,

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

ŴaHebere 12:24

ndi kwaku Yesu, mwendapakati wa chipanganu chifya, ndi ku ndopa za chiwazga, zo zikamba ghamamphako kwakuruska zaku Abelu.

ŴaHebere 13:20

Ndipo Chiuta iyo wa chimangu, mweniyo wangumyuska ku ŵakufwa Mliska yo Mura wa mberere mu ndopa za chipanganu chamuyaya, ndiyo Ambuyafwe Yesu,

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

ŴaHebere 9:7

kweni mu chachiŵi cho wasere mzukuru mura yo yija, kamoza mu chirimika, wambura ndopa cha, zenizo wapereke pa chifukwa chaku iyo mweneko ndi chifukwa cha maubudi gha khamu lo.

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

1 Yohane 4:10

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.