1 Yohane 4:9 - Tonga Bible 1986

⁹ Mwaku chenichi chingurongoleke kuchiri kwaku ifwe chanju cho chaku Chiuta, mwakuti Chiuta wangutumiya Mwana wake wakuwa viya mu charu, alinga kuti tiŵenge ndi umoyo mwaku iyo.

1 Yohane 4:9 ပူးပေါင်းရင်းမြစ်များ

Chiyambo 22:2

Wanguti, “To mwana wako yumoza pe, Yisaki yo utanja, ndipo urute ku charu cha Moriya, ndipo ukamupereke iyo kwenikuwa kuŵa sembe yakocha pa limoza la mapiri lo ndikakuneniyanga.”

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Marko 12:6

Sono wakuŵa ndi mwana yumoza, nkhwanjiwa, wanguŵatumiya mwenuyu pakumariya, wakuti, ‘Ŵamuphwerenge mwana wangu.’

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Yohane 10:10

Munkhungu yo waziyamo kuti, wabe, wabaye, ndi wanange: ine ndinguza kuti ŵaŵe ndi umoyo, ndikuti ŵaŵe nawo kwakuzungura.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Yohane 3:18

Wakuvwana mwaku iyo kuti wateruzgika cha, wakureka kuvwana weruzgika kali, chifukwa walive kuvwana mu zina la Mwana wakuwayija waku Chiuta.

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Yohane 6:29

Wangwamuka Yesu wanguŵanene, “Mlimu waku Chiuta ngwenuwu, wakuti muvwaniya mwaku mweniyo iyo wamtuma.”

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Yohane 6:57

Uli ndimo Dada wamoyo wangutumiya ine, ndipo ine ndija mwaku iyo wamoyo; viyo so wakurgha ine, nayo wajariyenge wamoyo pa chifwa chaku ine.

Yohane 8:29

Ndipo Wakundituma yo we nane pamoza; kuti wandijowo Ndija cha; pakuti nyengo zose ndichita cho chitumkondweska.”

Yohane 8:42

Yesu wanguŵanene, “Asani Chiuta wenga uskemwe, mphanyi mwandanja ine: chifukwa ine ndaza kutuwa kwaku Chiuta; chifukwa kuti ndikuza mukhumbo laku ine ndija cha, wakundituma ndiyo.

Yohane 9:3

Wangwamuka Yesu, “Chingana ndi mwenuyu kuti wangulakwa cha, chingana mbapapi ŵake; kweni alinga kuti zirongoleke mwake nchitu zaku Chiuta.

ŴaRoma 8:32

Mweniyo nadi wengavi kureka Mwana waku yija, kweni wangumpereke pa chifukwa chaku tose, warekenge so uli kutipaska kwawezi vinthu vyose pamoza nayo?

ŴaHebere 1:5

Chifukwa nkhwaku yani kali wamu ŵangelo, Chiuta wanguti, “Ndiwe Mwana wangu, ine le ndakupapa.” Ndi so, “Ine ndiŵiyenge iyo Wiske, ndipo iyo waŵiyenge ine Mwana.”

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

1 Yohane 4:10

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

1 Yohane 5:11

Ndipo chenichi nchisimisimi cho, chakuti Chiuta wakutipaska umoyo wamuyaya, ndipo umoyo wenuwu wemu Mwana wake.

1 Yohane 5:13

Kwaku imwe mwaŵakuvwaniya mu zina la Mwana waku Chiuta ndalemba vyenivi, alinga kuti muziŵe kuti mwe nawo umoyo wamuyaya.