1 Yohane 4:8 - Tonga Bible 1986

⁸ Yo wareka kwanja walive kumziŵa Chiuta; pakuti Chiuta nchanju.

1 Yohane 4:8 ပူးပေါင်းရင်းမြစ်များ

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

ŴaEfeso 2:4

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe,

ŴaHebere 12:29

chifukwa nadi Chiuta widu ndi moto wakunyeka.

1 Yohane 1:5

Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu.

1 Yohane 2:4

Yo watiti, “Ndimziŵa,” ndipo marangu ghake wareka kughasunga, ndi mtesi, ndipo mwaku iyo uneneska mulive:

1 Yohane 2:9

Yo watiti we mu kungweruka, ndipo ngwakumtinkha mbali wake, weche mu mdima mpaka sono.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 3:6

Munthu yose wakuja mwaku iyo kuti walakwa cha: yose yo ngwakulakwa kuti wamuwona cha, chingana nkhumziŵa.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

1 Yohane 4:7

Mwaŵakwanjiwa, tanjane: pakuti chanju nchakutuliya kwaku Chiuta; ndipo yose yo watanja wapapika kwaku Chiuta, ndipo watumziŵa Chiuta.