1 Yohane 4:6 - Tonga Bible 1986

⁶ Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

1 Yohane 4:6 ပူးပေါင်းရင်းမြစ်များ

2 Mikoka 18:21

Mzimu unguti, ‘Ndirutenge ndiŵenge nge ndi mzimu utesi mu mlomo wa ŵamchimi wake wose.’ Ndipo Ambuya anguti, ‘Kampusike, wamkumupusika nadi, rutanga ukachite viyo.’

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Mika 3:8

Kweni ine, ndazazika ndi nthazi, ndi mzimu wa Ambuya, ndi weruzgi ndi mazaza, kunena kwaku Yakobe ulakwi wake ndi kwaku Yisraele mphurupuru yake.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Yohane 10:3

Wakusunga pa khomo watimujuriyako iyo; ndipo mberere zo zituvwa liu lake wachizidana mazina mberere zapa mtima wake; ndipo watizirongozge kubwaro.

Yohane 13:20

Nadidi ndikuneneskiyani, wakuronde mweniyo yose nditumenge, waronde ine; ndipo wakuronde ine, waronde Wakundituma.”

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 20:21

Yesu wanguŵanene so, “Chimangu chikuŵiyeni! Mo Dada wanditumiya ine, nane so ndikutumani.”

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

Yohane 8:23

Yesu wanguŵanene, “Imwe mwe ŵakutuwa pasi, ine ndi wakutuwa kuchanya; imwe mwe ŵa charu chino; ine kuti nde wa charu chino cha.

ŴaRoma 1:1

Kalata wakutuwa kwaku Paulo, mteŵeti waku Yesu Kristu, wakutumika wakusankhika ndi wakudanika ndi Chiuta kwachisambizga uthenga wamampha waku Chiuta:

ŴaRoma 11:8

uli ndimo kwalembeke, “Chiuta waŵapaska mzimu wakugompho, maso ghakuti ŵareke kulereska, ndi makutu ghakuti ŵareke kuvwa, mpaka ku zuŵa lenilino.”

1 ŴaKorinte 14:37

Asani munthu warunguruka kuti ndi mchimi, pamwenga wamzimu, waziŵe kuti vyo nditukulembiyani nchilangulu cha Mbuya.

2 ŴaKorinte 10:7

Thoŵani vya pa maso pinu. Asani munthu wajigomekezga kuti ngwaku Kristu wajipimiye so kuti mo waliri iyo waku Kristu, ndimo tirire ifwe nafwe.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

1 Timote 4:1

Kweni Mzimu iyo wakamba pakweru, kuti mu nyengo zakumariya ŵanyake ŵadezukengekoku chivwanu, pakuphwere mizimu yirandizgi ndi visambizgu vya ŵademone,

2 Petro 3:2

kuti mukumbukedi manenedu gho ghangukambikiya limu ndi ŵamchimi ŵakupaturika, ndi langulu so la Ambuya ndi Mtaski lakukambika ndi ŵakutumika ŵinu.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

1 Yohane 4:8

Yo wareka kwanja walive kumziŵa Chiuta; pakuti Chiuta nchanju.

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

Yuda 1:17

Kweni imwe, mwaŵakwanjiwa, kumbukani manenedu ghenigho ghanguneneke limo ndi ŵakutumika ŵaAmbuya Yesu Kristu;