1 Yohane 4:4 - Tonga Bible 1986

⁴ Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

1 Yohane 4:4 ပူးပေါင်းရင်းမြစ်များ

Yohane 12:31

Sono kwe cheruzgu cha charu chino: sono wakapong'ekanga kubwaro muusi wa charu ichi.

Yohane 14:30

Kuti ndirongoronge namwe vinandi so cha, chifukwa yituza fumu ya charu chino. Ndipo kuti ye ndi nthazi paku ine cha;

Yohane 16:11

ndipo pa cheruzgu, chifukwa mura yo wa charu chino weruzgika.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

ŴaRoma 8:37

Awa! Mwaku vyenivi yose tiruskiya kupunda mwaku yo wangutanja.

1 ŴaKorinte 2:12

Kweni kuti taronde ifwe, mzimu wa charu cha, kweni Mzimu wakutuliya kwaku Chiuta, mwakuti tiziŵe vyo vyapaskika kwawanangwa ndi Chiuta kwaku ifwe.

1 ŴaKorinte 6:13

“Vyakurgha vikuŵiyako chifukwa cha rufu, ndi rufu chifukwa cha vyakurgha”: kweni Chiuta wakamaranga ilo ndi ivyo so. Kweni liŵavu kuti nda ku ureŵi cha, kweni ku Ambuya; ndi Ambuya ku liŵavu.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

1 Yohane 2:1

Mwatwana twangu, ndikulembiyani vyenivi kuti mungalakwa cha. Ndipo asani munthu wangalakwa, nkhoswi te nayo ku Dada, Yesu Kristu murunji yo:

1 Yohane 2:13

Ndikulembiyani mwaŵada chifukwa mumziŵa mweniyo ngwakutuliya ku mtendeku. Ndikulembiyani, mwamadoda, chifukwa mwampunda mheni yo. Ndikulembiyani, mwaŵampupuka, chifukwa mumziŵa Dada.

1 Yohane 3:20

mwaku chose chenicho mtima widu ungatisuska; pakuti Chiuta ndi mkuruku ku mtima widu, ndipo waziŵa vyose.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

1 Yohane 4:13

Mwaku chenichi tiziŵa kuti tijamwaku iyo, ndi iyo mwaku ifwe, chifukwa watipaska vya Mzimu wake.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

1 Yohane 5:4

Pakuti chose cho chapapika kwaku Chiuta chipunda charu: ndipo wenuwu mbupundi wo wapunda charu, chivwanu chidu cho.

Chivumbuzi 12:11

Kweni iwo ŵamupundiya mu ndopa za Mwana-mberere yo, ndi mu mazu gha ukaboni wawo; pakuti ŵengavi kughanja maumoyo ghawo mpaka ku nyifwa.