1 Yohane 4:16 - Tonga Bible 1986

¹⁶ Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.

1 Yohane 4:16 ပူးပေါင်းရင်းမြစ်များ

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Yesaya 64:4

Kutuwa ku mwaka palivi yumoza wa kuziŵa pamwenga wakuvwapo ndi gutu, palivi jiso lo likuwona Chiuta pade paku imwe, mweniyo watataliya wo ŵalindizga paku iyo.

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Yohane 9:3

Wangwamuka Yesu, “Chingana ndi mwenuyu kuti wangulakwa cha, chingana mbapapi ŵake; kweni alinga kuti zirongoleke mwake nchitu zaku Chiuta.

1 ŴaKorinte 2:9

Kweni nge ndimo kwalembeke, “Vyenivyo jiso lengavi kuviwona, ndi gutu lengavi kuvivwa mu mtima wa munthu vyengavi kubukamo, vyose vyo Chiuta waŵarongosole wo mbakumwanja.”

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

1 Yohane 4:7

Mwaŵakwanjiwa, tanjane: pakuti chanju nchakutuliya kwaku Chiuta; ndipo yose yo watanja wapapika kwaku Chiuta, ndipo watumziŵa Chiuta.