1 Yohane 3:8 - Tonga Bible 1986

⁸ Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 3:8 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Yesaya 27:1

Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Maŵerengedu 21:9

Sono Mosese wanguchita njoka ya mkuŵa, ndipo wanguyipayika pa muti; ndipo asani njoka yinguruma munthu, po wangulereska pa njoka ya mkuŵa wanguchira.

Mateyu 12:28

Kweni asani ine ndituzgiya ŵademone wo mu Mzimu waku Chiuta, iku waza nadi paku imwe ufumu waku Chiuta.

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Mateyu 4:3

Ndipo wakwesa yo wanguza wangunena nayo, “Asani we Mwana waku Chiuta, nene mya iyi kuti yiŵe viŵande.”

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Luka 10:18

Kweni wanguti kwaku wo, “Ndawonanga Satana yo kumbotoka ulaka ndi limphezi la kuchanya.

Yohane 12:31

Sono kwe cheruzgu cha charu chino: sono wakapong'ekanga kubwaro muusi wa charu ichi.

Yohane 16:11

ndipo pa cheruzgu, chifukwa mura yo wa charu chino weruzgika.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

ŴaRoma 16:20

Ndipo Chiuta iyo wa chimangu waphwanyiyenge Satana ruŵi kusi ku marwayo ghinu. Wezi wa Ambuyafwe Yesu Kristu uŵe manwe.

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

ŴaKolose 2:15

wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

ŴaHebere 9:26

iku wangwenere kukomwa panandi kutuwa ku kujarikika kwa charu; kweni sonu kamoza pa umari wa migonezi warongoleka kwachituzgiya maulakwi mu chisopu chaku iyo yija.

2 Petro 2:4

Chifukwa asani Chiuta wengavi kulekerezga ŵangelo wo ŵangulakwa, kweni, pakuŵatayiya ku Gehena kumagoŵa gha munkhorwi, wanguŵakombole kusungirizgikiya ku cheruzgu,

1 Yohane 1:2

(ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe);

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 3:5

Ndipo muziŵa kuti wanguwoneka Yuwa, alinga kuti watuzgepo vilakwa; ndipo mwaku iyo chilakwa mulive.

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

Yuda 1:6

Ŵangelo nawo so viyo ŵeniwo ŵengavi kusunga ura waku ŵija, ŵangureka ujazi wapa mtima wawo, ŵaŵasunga mu magoŵa ghamuyaya pasi pa munkhorwe ku chisusa cha zuŵa likuru.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.