1 Yohane 3:4 - Tonga Bible 1986

⁴ Munthu yose yo wachita chilakwa, wachita uchikana marangu nawo so: ndipo chilakwa mbuchikana marangu.

1 Yohane 3:4 ပူးပေါင်းရင်းမြစ်များ

1 ŴaKaronga 8:47

ndipo asani ŵaghanaghana mu mtima po ŵe ku charu cho ŵayorekiyako ndipo ŵang'anamuka, ndi kuŵeyere kwaku imwe mu charu cha ŵakuŵayora, kuti, ‘Talakwa, tachita kwa ubereŵeza ndi kwa kwananga’;

1 Mikoka 10:13

Viyo Sauli wangufwa mu kwananga kwake; wanguŵa wambura magomekezgeka ku Ambuya chifukwa chakureka kusunga marangu gha Ambuya ndipo so pa chifukwa chakupenja urongozgi ku ŵakuwukwa,

2 Mikoka 24:20

Sono mzimu waku Chiuta ungusere mwaku Zekariya, mwana waku Yehoyada mzukuru; ndipo wanguma pachanya pa ŵanthu ndi wanguti kwaku wo, “Chiuta watiti, ‘Chifukwa nchine cho mujumphiya marangu gha Ambuya kuti mureke kutumbikaka? Chifukwa mwaŵasiya Ambuya, nawo so amsiyani.’ ”

Yesaya 53:8

Ndi kuyuzgika ndi cheruzgu wangutoreka; ndipo nge mpha mugonezi wake, njani wangughanaghanapo, kuti wangudumulikako ku charu cha ŵamoyo, wangupumika chifukwa cha vyakulakwa vya ŵanthu ŵangu?

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Maŵerengedu 15:31

Chifukwa wayuyuwa mazu gha Ambuya, ndi waswa dangu lawo, munthu wa viyo watuzgikeko; ulakwi wake ukamubayanga.”

Mateyu 5:19

Viyo yose yo wangaswa kamoza ka marangu yagha ghamanako, ndipo wangasambizga ŵanthu viyo, wadanikenge mumanako ukongwa mu Ufumu wa kuchanya: kweni yose yo wangachita ndi wangasambizga gho, mweniyo wadanikenge mura mu Ufumu wa kuchanya.

Machitidu gha Ŵakutumika 23:3

Sono Paulo wangunena nayo, “Chiuta wapamanthenge iwe, wachimati chakukuruŵika tu: ndipo iwe kumbi waja po kunderuzga ine kwakulingana ndi dangu, pakuti kwakumikana ndi dangu ulangula kuti ndipumike?”

ŴaRoma 3:20

Chifukwa kuti kuchiri ku nchitu za chilangulu paŵengevi kurunjiskika munthu wamoyo pa maso pake: pakuti mu chilangulu mwe mziŵiru wa ulakwi.

ŴaRoma 4:15

chifukwa chilangulu cho chitataliya kandundu; kweni ko kulive chilangulu, kulive so ubudi.

2 ŴaKorinte 12:21

Nditopa kuti vinu, ndichiza so ine, Chiuta wangu wangandiyuyuska paurongo pinu, ndipo ndingatenjere ŵanandi ŵaku wo ŵalakwa kali, ndi ŵandajipezge pa chifukwa cha ukazuzi wo ndi ureŵi ndi uyaya wo ŵanguchita.

Yakobe 5:15

Ndipo rombo lo la chivwanu limtaskenge murwali yo, ndipo Ambuya akamyuskanga; ndipo asani wachita vilakwa, vireke kiyengeko kwaku iyo.

1 Yohane 5:17

Uwura urunji wose nchilikwa: ndipo chiripo chilakwa chakurata ku nyifwa cha.

1 Samuele 15:24

Sauli wangunena ndi Samuele, “Ndalakwa; pakuti ndajumpha dangu la Ambuya ndi mazu ghinu, chifukwa ndingopa ŵanthu ndinguvwiya mazu ghawo.