1 Yohane 2:18 - Tonga Bible 1986

¹⁸ Mwatwana, ndi ora lakumariya: ndipo nge ndimo munguvwiya kuti mkanakristu watuza, sono nako ŵalipo ŵamkanakristu ŵanandi; ndimo tiziŵiya kuti ndi ora lakumariya.

1 Yohane 2:18 ပူးပေါင်းရင်းမြစ်များ

Mateyu 24:11

Ndipo ŵamchimi ŵatesi ŵanandi ŵayukenge, ndipo ŵarandizgenge ŵanandi.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Mateyu 24:5

Chifukwa ŵanandi ŵaziyenge mu zina langu, ŵakuti, ‘Ine ndine Kristu yo’: ndipo ŵarandizgenge ŵanandi.

Marko 13:6

Wanandi ŵakaziyanga mu zina langu ŵakuti, ‘Ndine iyo’; ndipo wamrandizga ŵanandi.

Yohane 21:5

Yesu wangunena nawo, “Mwaŵana, kumbi mwe ndi somba?” Ŵangumwamuka, “Awa.”

ŴaRoma 13:11

Ndipo so chenichi, pakuziŵa nyengo yino, kuti sonu ndi ora lakuti muyukeko ku tulu: chifukwa sono utaski we pafupiku kwaku ifwe kwakuruska penipo tinguvwaniya.

ŴaRoma 13:12

Usiku wakapo, ndipo msana we kufupi: viyo tizizuwe nchitu za mdima,

ŴaHebere 1:2

mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.

1 Petro 1:20

mweniyo wanguziŵikwiya limu, chenga chindajarikike charu, kweni wangurongoleka pa umariwa zinyengo chifukwa chaku imwe,

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

1 Yohane 2:22

Njani mtesi yo? Ndi mweniyo wakana kuti Yesu ndiyo Kristu. Mweniyo ndi mkanakristu yo, mweniyo ngwakukana Dada ndi Mwana.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.

1 Yohane 4:3

ndipo mzimu wose wakureka kumzomera Yesu, kuti ngwakutuliya kwaku Chiuta cha. Ndipo mweniyo ndi mzimu wa mkanakristu yo, mweniyo mwavwapo kuti watuza; ndipo sono we mu charu kali.

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

Yuda 1:18

ŵanguti kwaku imwe, “Pa nyengo ya umari paŵenge ŵakuwera, ŵakwenda uli ndi maulakalaka gha uwura uwopa Chiuta waku ŵija.”