1 Yohane 2:16 - Tonga Bible 1986

¹⁶ Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.

1 Yohane 2:16 ပူးပေါင်းရင်းမြစ်များ

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

Jobu 31:1

“Ndachita phanganu ndi maso ghangu, ndingalereska uli nanga pa mwali?

Sumu 73:6

Viyo ŵavwara kujikuzga ulaka ndi pheska; ndi chiwawa ulaka ndi munjirira.

Sumu 78:18

Mwa dala ŵangumwesa Chiuta, pa kupempha kurgha ko ŵangukhumba.

Sumu 78:30

Kweni po ŵenga ŵeche kurgha, ŵenga ŵandagute,

Nthanthi 27:20

Muunda ndi pharghaniku kuti viguta cha, ndipo cho chireka kuguta ndi maso gha munthu.

Nthanthi 6:25

Unganwekanga kutowa kwake mu mtima wako, ndipo wangakusompho ndi nkhope zake cha;

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Maŵerengedu 11:34

Chifukwa cho ŵangudana zina la malo gha kuti ndi Kibiroto-hatava, chifukwa penipa ŵanguwundiyapo ŵanthu wo ŵenga ndi mbunu.

Maŵerengedu 11:4

Ndipo mzinda wa ŵanthu ŵanyake ŵanguchita chirghoko; ndipo ŵaYisraele nawo ŵanguliya, ŵanguti, “Kumbi njani wakatipaskanga nyama kuti tirghe!

Mateyu 4:8

Pavuli diabolo yo wangumtole ku phiri litali ukongwa, ndipo wangumrongo maufumu ghose gha pasi, ndi unkhankhu wawo,

Mateyu 5:28

Kweni ine ndikuneniyani, kuti yose wakulereska munthukazi kumkhumbira, wareŵa nayo kali mu mtima wake.

Luka 4:5

Ndipo wanguti wamkwezga, wangumrongo maufumu ghose gha uzengi mu kamphindi ka nyengo.

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

1 ŴaKorinte 10:6

Ndipo sono ivi vyakutichenjezga ifwe, mwakuti tingakhumbiranga ifwe viheni cha, uli ndimo ŵangukhumbiriya iwo.

ŴaGalatia 5:17

Chifukwa liŵavu lilakalakiya pa mzimu, ndi Mzimu pa liŵavu; pakuti vipindikana vyenivyo, viyo kuti vyenivyo mungakhumba, ndivyo kuti mungachita cha.

ŴaGalatia 5:24

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

ŴaEfeso 2:3

mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.

Yakobe 4:16

Kweni sono mutumbwiya mu matukutuku ghinu: chi tumbwa chose chaviyo nchiheni.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

1 Petro 1:14

uli mbana ŵa ŵakuvwiya kwambura kujilinganizga ndi malikhumbira ghakudanga ghamu ujira winu,

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;