1 Yohane 1:9 - Tonga Bible 1986

⁹ Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

1 Yohane 1:9 ပူးပေါင်းရင်းမြစ်များ

1 ŴaKaronga 8:30

Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

1 ŴaKaronga 8:47

ndipo asani ŵaghanaghana mu mtima po ŵe ku charu cho ŵayorekiyako ndipo ŵang'anamuka, ndi kuŵeyere kwaku imwe mu charu cha ŵakuŵayora, kuti, ‘Talakwa, tachita kwa ubereŵeza ndi kwa kwananga’;

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Sumu 19:12

Kweni njani yo wangaziŵa kwananga kwake? Ndingweruskeni ku viheni vyakubisika.

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 33:8

Ndikaŵasukanga ku mlando wa uheni wawo wose wa paku ine, ndipo ndikagowoliyanga uheni wose wa kugarukiya ine.

Chitenje 3:23

ngafya mlenji we wose; ukongolekwa winu ngukuru mbwenu.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Ezekiele 37:23

Kuti ŵakajikazuzganga ndi ŵangoza ŵawo nanga ndi vinthu vya maunyakazi ghawo so cha, pamwenga ndikanthu kose ka majumphu ghawo, kweni ndiŵataskenge mu vyakuwerevuli vyawo vyose mwaku vyenivyo ŵananga, ndikaŵaphotonga; ŵakaŵanga ŵanthu ŵangu, ndipo ine ndikaŵanga Chiuta wawo.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Mateyu 3:6

ndipo ŵabatizikanga ndi iyo mu msinji Yordane, ŵakusumuwa vyakulakwa vyawo.

Marko 1:5

Ndipo ŵazanga kwaku iyo kutuliya charu chose cha Yuda, ndi wose ŵamu Yerusalemu: ŵabatizikanga ndi iyo mu msinji Yordane, ŵakusumuwa vilakwa vyawo.

Luka 22:57

Kweni iyo wangukana, wakuti, “Wamunthukazi, kuti ndimziŵa cha.”

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Machitidu gha Ŵakutumika 19:18

Anandi so ŵaku wo ŵanguvwana ŵazanga, ŵakujisumuwa ndi ŵakuzomera machitidu ghawo.

ŴaRoma 3:26

kwachirongo urunji wake mu nyengo yamakono; kuti waŵe iyo mweneko murunji, ndi so warunjiska we yose wakuvwana mwaku Yesu.

1 ŴaKorinte 1:9

Ngwamagomekezgeka Chiuta, mwaku mweniyo mungudanikiya ku wanase wa Mwana wake Yesu Kristu Ambuyafwe.

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

ŴaEfeso 5:26

alinga kuti walipatuliske, wati walitozge mu chibatizo ndi mazu,

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaHebere 10:23

tikoreske chizomerezga chambura kupetere cha chigomekezgu; chifukwa ngwamagomekezgeka yo wangupangana:

ŴaHebere 11:11

Ndi chivwanu Sara iyo nayo wanguronde nthazi yakuzuukiya mbeu pavuli pa nyengo ya uŵisi, pakuti wangumpima wamagomekezgeka mweniyo wangupangana;

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!