1 Yohane 1:3 - Tonga Bible 1986

³ chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

1 Yohane 1:3 ပူးပေါင်းရင်းမြစ်များ

Jobu 13:1

“Wonani, jiso langu, lachiwona chose ichi, gutu langu lachivwa ndi lachiziŵa.

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Sumu 22:22

Ndikonkhomenge vya zina linu ku ŵabali ŵangu; mukati mu ungano ndikurumbeninge:

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Maŵerengedu 10:32

Sono asani ukarutanga nafwe, iku chamampha che chose cho Ambuya atichitiyenge ifwe, nafwe tamukukuchitiya chenicho.”

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Yohane 17:21

kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 19:35

Ndipo yo wanguwona wasimikizga, ndipo chisimisimi chake nchakuneneska: nayo waziŵa kuti waneneska, kuti imwe namwe muvwane.

Machitidu gha Ŵakutumika 13:32

Ndipo ifwe tikugozgiyani chipanganu cho chinguchitikiya auskefwe,

Machitidu gha Ŵakutumika 13:41

‘Onani, mwaŵakuphara, ndi tondwani, ndi muzirimitiye; pakuti nditata ine nchitu mu mazuŵa ghinu, nchitu mwaku yo kuti muvwaniyenge cha, chingana yumoza wangamkonkhoskiyani.’ ”

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

Machitidu gha Ŵakutumika 4:20

chifukwa ifwe kuti tiziŵa cha kureka kurongoro vyenivyo tawona ndi tavwa.”

ŴaRoma 15:27

Viyo ŵangukondwa kuchita ichi; ndipo mbamateu kwaku wo; chifukwa asani ŵaMitundu ŵasanganapo vyamzimu vyawo mbamateu kuŵateŵete mu vyaliŵavu navyo.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

1 ŴaKorinte 1:9

Ngwamagomekezgeka Chiuta, mwaku mweniyo mungudanikiya ku wanase wa Mwana wake Yesu Kristu Ambuyafwe.

1 ŴaKorinte 15:1

Kweni ndimziŵiskiyani, mwa ŵabali, evangeli weniwo ndingumtauliyani, weniwo nawo munguronde, mwenimo so mumiya,

2 ŴaKorinte 13:14

Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.

ŴaEfeso 3:6

pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.

ŴaFilipi 1:7

Nchakwenere kwaku ine kumughanaghaniyani, pakuti mu magoŵa ghangu ndi so mu chiŵekeru ndi chikhozgeru vya evangeli nde namwe mu mtima, pakuti mose mwe ŵakusangana nane wezi weniwo.

ŴaFilipi 2:1

Viyo asani mwe masangu ghakuti mwaku Kristu, asani mwe sangarusku lakuti la chanju, asani mwe wanase wakuti wa Mzimu, asani mwe vyachitima vyakuti ndi vyalisungu.

ŴaFilipi 3:10

kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake,

ŴaKolose 1:13

Ndiyo wangutitaska ku mtufu wa mdima, ndipo wangutisamiskiya ku ufumu wa mwana wake wakwanjiwa;

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

1 Timote 6:2

Ndipo wo ŵe ndi mbuya wakuvwana, ŵangaŵayuyu-wanga cha, pa chifukwa chakuti mbabali; kweni ukongwaku ŵaŵaŵetekenge, pakuti wo ŵatovyeka ndi mlimu wawo wamampha mbakuvwana ndi ŵakwanjiwa. Vyenivi sambizganga ndi chiskanga.

ŴaHebere 2:12

wakuti, “Nditauliyenge zina linu ku ŵabali ŵangu, mukati mu mpingu ndimurumbeninge.”

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

2 Petro 1:16

Chifukwa tengavi kurondo nthanu zakunyengere, tichimziŵiskani nthazi yake ndi uzi wa Mbuyafwe Yesu Kristu, kweni tenga ŵakutimu ndi maso ukuru wake.

1 Yohane 1:1

Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

1 Yohane 1:5

Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.