1 Yohane 1:2 - Tonga Bible 1986

² (ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe);

1 Yohane 1:2 ပူးပေါင်းရင်းမြစ်များ

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 1:4

Mwaku iyo mwenga umoyo, ndipo umoyo wo wenga kungweruka kwa ŵanthu.

Yohane 10:28

Ine nditizipaska umoyo wamuyaya; kuti zikafwanga cha, ndipo kuti yumoza wazikwamphuwenge mu janja langu cha.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 15:27

ndipo imwe namwe mwe ŵakoboni, pakuti mwavwa nane pamoza ku mtendeku.

Yohane 16:28

Ndikutuwa ku Ada, ndipo ndaza mu charu: ndipo so ndireka charu ichi ndiruta ku Ada.”

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 19:35

Ndipo yo wanguwona wasimikizga, ndipo chisimisimi chake nchakuneneska: nayo waziŵa kuti waneneska, kuti imwe namwe muvwane.

Yohane 21:14

Iyi ndi nyengo yachitatu sono yo yesu wangujirongo kuŵasambizi wati wayuka ku ŵakufwa.

Yohane 3:13

Chifukwa palivi yumoza yo wakweriyako kuchanya, kweni mwana wa munthu pe yo wasikako ku kuchanya.

Yohane 7:29

Ine nditumziŵa, pakuti ndatuwa kwaku iyo, ndipo ndiyo wangundituma.”

Yohane 8:38

Vyo ndawona ine ku Ada ndi vyo ndirongoro; namwe so muchita vyenivyo mwawona ku auskemwe.”

Machitidu gha Ŵakutumika 1:22

kwanda ku chibatizo chaku Yohane mpaka ku zuŵa lenilo wangurondeke kwaku ifwe, kutenere kuti waŵepo pamoza nafwe yumoza waku wo nge ndi kaboni wa chiyuka chake.”

Machitidu gha Ŵakutumika 10:41

ku khamu lo lose cha, kweni ku ŵakaboni ŵakusankhikiya limu ndi Chiuta, nadi kwaku ifwe taŵenifwe tingurgha ndi tingumwa pamoza nayo, wanguti wayuka iyo ku ŵakufwa.

Machitidu gha Ŵakutumika 2:32

Yesu mwenuyu Chiuta wanguyuska, waku chenicho tose te ŵakaboni.

Machitidu gha Ŵakutumika 3:15

kweni chirongozgi wa Umoyo mungubaya, mweniyo Chiuta wanguyuska ku ŵakufwa; waku chenicho te ŵakaboni ifwe.

Machitidu gha Ŵakutumika 5:32

Ndipo ifwe te ŵakaboni ŵa makani ghenigho, pamoza ndi Mzimu Wakupaturika, mweniyo Chiuta wapaska ku ŵakumvwiya.”

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

2 Timote 1:10

kweni warongoleka sono mu chiwoneka cha Mtaski widu Yesu Kristu, mweniyo wakoto nyifwa, ndi wawoneska umoyo ndi uzirachivuzi mu evangeli,

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

1 Yohane 1:1

Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

1 Yohane 3:5

Ndipo muziŵa kuti wanguwoneka Yuwa, alinga kuti watuzgepo vilakwa; ndipo mwaku iyo chilakwa mulive.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 4:14

Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.

1 Yohane 4:2

Mwaku chenichi muziŵa Mzimu waku Chiuta: mzimu we wose wakuzomera kuti Yesu Kristu waziya mu liŵavu, ngwakutuliya kwaku Chiuta:

1 Yohane 5:11

Ndipo chenichi nchisimisimi cho, chakuti Chiuta wakutipaska umoyo wamuyaya, ndipo umoyo wenuwu wemu Mwana wake.

1 Yohane 5:13

Kwaku imwe mwaŵakuvwaniya mu zina la Mwana waku Chiuta ndalemba vyenivi, alinga kuti muziŵe kuti mwe nawo umoyo wamuyaya.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.