1 Yohane 1:1 - Tonga Bible 1986

¹ Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

1 Yohane 1:1 ပူးပေါင်းရင်းမြစ်များ

Yesaya 41:4

Njani yo wafiska ndi kuchita ichi, kudana migonezi kutuliya pa mtendeko? Ine, Ambuya, wakudanga yo, ndi waumari, ndine pe.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Luka 1:2

uli ndimo ŵangutipatauliya ŵeniwo kutuliya ku mtendeku ŵenga ŵakaboni ŵakuwona ndi maso, ndi ŵateŵeti ŵa mazu,

Luka 24:39

Ghalereskeni manja ghangu ndi marundi ghangu, kuti ndine ndamweni: nditoskeni, ndi onani; pakuti mzimu walive nyama ndi viwanga, nge ndi mo muwone ine kuŵa navyo.”

Yohane 19:35

Ndipo yo wanguwona wasimikizga, ndipo chisimisimi chake nchakuneneska: nayo waziŵa kuti waneneska, kuti imwe namwe muvwane.

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Yohane 5:26

Chifukwa uli ndimo Dada waliri ndi umoyo mwaku yija, viyo so wampaska Mwana kuŵa ndi umoyo mwaku yija,

Yohane 8:58

Wanguŵanene Yesu, “Nadidi ndikuneneskiyani, wenga wandawe Abrahamu, ine ndiriko.”

Machitidu gha Ŵakutumika 1:3

Kwaku wo wangujirongo so wamoyo pavuli pa kukomwa kwake, mu visimikizgu vinandi, wakuŵawoneke mu mazuŵa machumi ghanayi, ndi wakukamba vyapa ufumu waku Chiuta.

Machitidu gha Ŵakutumika 4:20

chifukwa ifwe kuti tiziŵa cha kureka kurongoro vyenivyo tawona ndi tavwa.”

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

1 Yohane 4:14

Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.

1 Yohane 5:7

Ndipo Mzimu yo ndiyo wasimikizga, pakuti Mzimu yo ndiyo Uneneska wo.

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

Chivumbuzi 19:13

Ndipo wanguvwara raya lakuwazgika ndi ndopa: ndipo zina lake lidanika, Mazu ghaku Chiuta.

Chivumbuzi 2:8

“Ndipo ku mungelo wa mpingu wamu Smurna lembapo: ‘Vyenivi watiti wakudanga ndi wakumariya yo, yo wanguŵa wakufwa ndipo wanguwere ku umoyo.