1 ŴaKaronga 9:8 - Tonga Bible 1986

⁸ Ndipo nyumba iyi yikaŵanga ndundu ya vyakunangika, yose wakudumuwapo yikaŵanga chakuzizwiska, wakajumanga, ndipo ŵakafumbanga, ‘Chifukwa chine Ambuya achita viyo ku charu ichi ndi ku nyumba iyi?’

1 ŴaKaronga 9:8 ပူးပေါင်းရင်းမြစ်များ

2 ŴaKaronga 22:17

Chifukwa ŵandijowo ine ndikuwoche vya chema kuŵachiuta ŵanyake, mwakuti ŵandisosomole ine ku ukari ndi nchitu zose za manja ghawo, chifukwa cho ukari wangu ukakolenga pa malo yagha, ndipo kuti ukazimwikanga cha.

2 ŴaKaronga 25:9

Ndipo wangocha nyumba ya Ambuya ndi nyumba ya karonga ndi nyumba zose zamu Yerusalemu, nyumba yose yikuru wangoche pasi.

2 Mikoka 29:8

Viyo ukari wa Ambuya unguza paku Yuda ndi Yerusalemu, ndipo aŵachita kuŵa ŵanthu ŵakopa, ŵakuchurukachuruka, ndi ŵakuwoyeka, nge ndimo mutiŵawone ndi maso ghinu.

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.

2 Mikoka 7:21

Ndipo yose yo wakadumuwanga pa nyumba iyi yakutumbikika wakazizwanga, ndi wakatinge, ‘Chifukwa nchine Ambuya achita ichi ku charu ichi ndi ku nyumba iyi?’

Yesaya 64:11

Nyumba yidu yakupaturika ndi yakunozga, mwenimo auskefwe wangurumba imwe, yafya ndi moto, malo ghidu ghose ghakukondweska ghasanduka mapopa.

Yeremiya 16:10

“Ndipo utakuti waŵanene ŵanthu yaŵa mazu yagha ghose, sono ŵachikufumba kuti, ‘Chifukwa chine Ambuya ataula uheni wose ukuru uwu paku ifwe? Utimbanizi widu ngune? Mbuheni uli wo tachitiya Ambuya Chiuta widu?’

Yeremiya 18:16

ŵasanduska charu chawo kuŵa chakofya, chinthu chakunyozeka muyaya. We yose wakujumphamo watofyera ndipo wapukung'a mutu wake.

Yeremiya 19:8

Ndipo ndikasanduskanga msumba uwu kuŵa wakofya, chinthu chakunyozeka; yose wakudumuwapo wakazizwanga ndipo wakafyonyanga mufyonyo chifukwa cha masoka ghake.

Yeremiya 22:28

Kumbi uyu munthu Konia ngwakunyozeka, nchiŵiya chakusweka, nchiyaŵi chambura kuchiphwere munthu? Chifukwa chine iyo ndi ŵana ŵake ŵadikiskika ndi kutayikiya mu charu cho ŵalivi kuchiziŵa?

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 44:8

Chifukwa chine mutindisosomole ku kukwiya ndi nchitu za manja ghinu, koche vyachema ŵachiuta ŵanyake mu charu cha Egipiti kweniko mwaza kuzachija, kuti mudumulikeko ndi kusanduka thembo ndi kawerere mu mitundu yose ya charu chapasi?

Yeremiya 49:17

“Edomu wakaŵanga chakofya: yose wakudumuwapo pake wakawofyerwanga ndipo wakajumanga chifukwa cha masuzgu ghake ghose.

Yeremiya 5:19

Ndipo penipo ŵanthu ŵinu ŵakambenge, ‘Chifukwa chine Ambuya Chiuta ŵachita vinthu vyose ivi paku ifwe?’ Muŵaneniyenge iwo, ‘Pakuti mwasiya ine ndipo mwatataliya ŵachiuta ŵachilendo mu charu chinu, viyo mukatataliyanga ŵalendo mu charu chenicho kuti nchinu cha.’ ”

Yeremiya 50:13

Chifukwa cha ukari wa Ambuya ŵanthu kuti ŵakajangamo cha, kweni wakaŵanga mapopa ghakufikapo, yose wakudumuwa pa Babiloni, wakawopanga, ndi kwenjerwa chifukwa cha mabala ghake.

Yeremiya 52:13

Ndipo wangocha nyumba ya Ambuya, ndi nyumba ya karonga, ndi nyumba zose zamu Yerusalemu; nyumba yose yikuru wangocha.

Chitenje 2:15

Wose ŵakwenda mu nthowa ŵatumba manja paku iwe; ŵajuma ndi kupukung'a mitu yawo, pa msumba wa Yerusalemu; “Kumbi uwu ndi msumba weniwo wadanikanga kutowa kwakufikapo, kukondwa kwa charu chose chapasi?”

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Marangu 28:37

Ndipo mukaŵanga ŵamantha, ŵantharika ndi ŵakunyozeka, mukati mu ŵanthu wose kweniko Ambuya akamurongozgiyaninga.

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.