1 ŴaKaronga 9:3 - Tonga Bible 1986

³ Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

1 ŴaKaronga 9:3 ပူးပေါင်းရင်းမြစ်များ

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

2 ŴaKaronga 21:7

Ndipo ngoza wakusema waku Ashera, yo wangupanga wangumumika mu nyumba yeniyo Ambuya angukamba kwaku Davidi ndi kwaku Solomoni mwana wake, “Mu nyumba iyi ndimu Yerusalemu, yo ndasankha mu makhamu ghose gha Yisraele, ndikaŵikangamo zina langu muyaya,

2 Mikoka 33:7

Ndipo ngoza wakusema chikozgo cho wanguchita, wanguŵika mu nyumba yaku Chiuta yeniyo Chiuta wangukamba kwaku Davidi ndi kwaku Solomoni mwana wake, “Mu nyumba iyi ndi mu Yerusalemu yo ndasankha mukati mu mafuko ghose ghaku Yisraele, ndiŵikengemo zina langu muyaya;

2 Mikoka 6:40

Sono Chiuta wangu, ndimuŵeyani kuti maso ghinu ghajurike ndi makutu ghinu ghategherezge ku rombo lakuchitikiya mu malo yagha.

Ezra 6:12

Chiuta, yo wajariska zina lake kwenikuwa, waparghang'e ŵakaronga wose ndi ŵanthu wo ŵaŵikengeko janja lawo kung'anamuliya panyake mazu yagha, pamwenga kubwanganduwa nyumba iyi yaku Chiuta yo yemu Yerusalemu. Ine Dariusi ndaŵika dangu, lichitike kwambura kutondeka.”

Sumu 10:17

Ambuya, imwe mukavwanga khumbo la ŵakuzika; mukakhozganga mitima yawo, mutegherezgenge gutu linu,

Sumu 116:1

Nditanja Ambuya, chifukwa atindivwa; ategherezga ku kuromba kwangu.

Sumu 34:17

Po ŵakurunjika ŵaliriya chovyo, Ambuya atuvwa, ndi kuŵataska mu visuzgu vyawo vyose.

Sumu 65:3

pa chifukwa cha mauheni ghawo, vyakulakwa vidu vyatipunda kweni imwe mugowoke.

Sumu 66:19

Kweni kwakuneneska Chiuta wandivwa; wategherezga ku kuromba kwangu.

Chituwa 20:11

pakuti mu mazuŵa ghankhonde ndi limoza Ambuya angulenga kuchanya ndi charu chapasi, ndi nyanja; ndi vyose vyo vye mwenimo, ndipo angupumuwa zuŵa la chinkhonde ndi chiŵi; chifukwa chenichi Ambuya angutumbika zuŵa la sabata ndi anguripatuwa.

Chituwa 29:44

Ndikapatuwanga hema lakuwunganamo ndi jochero la sembe Aroni nayo ndi ŵana ŵake ŵanthurumi ndikaŵapatuwanga kuŵa ŵazukuru ŵakunditeŵete.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 7:10

ndipo pavuli makazanga kuzachima paurongo pangu mu nyumba iyi, yo yidanika ndi zina langu, ndi kunena kuti, ‘Tataskika!’ Kweni mukiyakiya kuchita maukazuzi ghenagha?

Danyele 9:23

Pakwamba kuŵeyere kwako, mazu ghangutuwa, ndipo ndaza kuzachikunene chifukwa we wakwanjiwa ukongwa; viyo uziŵi mazu yagha ndi uwemu chiwona.

Maŵerengedu 16:38

mbali zakusunkhizgiyamo za ŵanthu wo pa ulakwi wawo ŵataya ma umoyo ghawo; ŵazisule ziŵe zamkuŵa zisani zakuvunikiriya pa jochero, pakuti ŵanguzipereka ku Ambuya; chifukwa ichi zakupaturika. Viyo zikaŵanga chakuwoniyapo ku ŵaYisraele.”

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

Yohane 11:42

Ine ndaziŵanga kuti nyengo zose mutindivwa: kweni pa chifwa cha mzinda wo wama pano ndikamba, alinga kuti ŵavwane kuti imwe mukundituma.”

Machitidu gha Ŵakutumika 10:31

ndipo wali, ‘Kornelio, niniziku lako lavwika, ndipo vyakumbukika paurongo paku Chiuta vyalisungu vyako.

Marangu 11:12

charu chenicho Ambuya Chiuta winu watichiphwere. Maso gha Ambuya Chiuta winu ghe paku cho mazuŵa ghose, kutuliya ku kwamba kwa chirimika mpaka ku umari kwake.

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 12:21

Asani malo gho Ambuya Chiuta winu wakasankhanga kuŵikamu zina lake ghe kutali ndi imwe, iku mungabaya ng'ombe yose chingana ndi mberere yose yamu mskambo winu zenizo Ambuya Chiuta winu wamupaskani, nge ndimo nditumulanguliyani; ndipo murghiyenge mu mizi yinu che chose cho munweke.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

1 Yohane 5:14

Ndipo chenichi nchigomezgu chenicho te nacho kuchiri kwaku iyo kuti, asani tipempha kanthu kwakuyana ndi khumbu lake, watuvwa ifwe: