1 ŴaKaronga 8:56 - Tonga Bible 1986

⁵⁶ “Atumbikike Ambuya wo apaska chipumulo ku khamu lawo Yisraele, kwakulingana ndi vyose vyo angupangana, palivi mazu nanga ngamoza gho ghatondeka kufiskika mu mapangano ghawo ghose ghamampha, gho angukambiya mwaku Mosese mteŵeti wawo.

1 ŴaKaronga 8:56 ပူးပေါင်းရင်းမြစ်များ

2 ŴaKaronga 10:10

Iko ziŵani kuti pawulengevi kamoza ko kakawanga ŵaka pasi ka mazu gha Ambuya, gho Ambuya angukamba gha pa nyumba yaku Ahabu, pakuti Ambuya achita cho angukambiya mu mteŵeti wawo Eliya.”

1 Mikoka 16:36

Ŵatumbikike Ambuya, Chiuta waku Yisraele, muyaya ndi muyaya!” Ndipo ŵanthu wose ŵanguti, “Ameni!” ndi ŵangutumbika Ambuya.

1 Mikoka 22:9

Wona, mwana munthurumi wakapapikanga kwaku iwe; wakaŵanga munthu wa chimangu. Ndikamupumuzganga ku ŵarwani ŵake wose ŵakumuzunguliya; pakutu zina lake likaŵanga Solomoni, ndipo nkhapaskanga chimangu ndi bata kwaku Yisraele mu mazuŵa ghake.

2 Mikoka 14:6

Ndipo wanguzenga mizi ya malinga mwaku Yuda, chifukwa charu chingupumuwa. Wengavi nkhondo mu virimika viya chifukwa Chiuta wangumpumuzga.

Chituwa 18:10

Ndipo Yetero wanguti, “Atumbikike Ambuya, wo akupozomoskani ku janja laŵa Egipiti ndi ku janja laku Farao.

Luka 21:33

Kuchanya ndi panupasi virutenge; kweni mazu ghangu kuti gharutenge cha.

Marangu 12:10

Kweni mwamukwambuka Yordane, ndi kwachija mu charu chenicho Ambuya Chiuta winu watukupaskani kuchihara. Ndipo Chiuta wakumpumuzgani ku ŵarwani ŵinu wose ŵakumuzungurizgani, mwakuti mujenge mu chimangu.

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

Marangu 3:20

mpaka po Ambuya Chiuta wapumuzga ŵabali ŵinu nge ndimwe, nawo so ŵaronde charu cho Ambuya Chiuta winu waŵapaska sirgha liya Yordane. Penipo ndipo munthu yose imwe waweriyenge ku chihara chara chake cho ndamupaskani.’

1 Samuele 3:19

Ndipo Samuele wangukuwa, Ambuya ŵenga nayo ndipo kuti anguzomerezga cha kuti mazu ghawo ghareke kufiskika.