1 ŴaKaronga 8:53 - Tonga Bible 1986

⁵³ Chifukwa imwe mukuŵapatuwa ku makhamu ghose gha ŵanthu mu charu chapasi, kuŵa ŵanthu ŵinu, ulaka ndimo mungutauliya mwaku Mosese, muŵanda winu penipo mungutuzga auskefwe mu Egipiti, Ambuya mwe Chiuta.”

1 ŴaKaronga 8:53 ပူးပေါင်းရင်းမြစ်များ

2 Samuele 20:19

Ine nde yumoza waku ŵeniwo mbachimangu ndi ŵakugomekezgeka mu Yisraele; mupenja kubwanganduwa msumba wo ndi nyinawo mu Yisraele, chifukwa nchine mumezenge msumba wa Ambuya?”

Chituwa 33:16

Pakuti kukaziŵikanga uli kuti ine ndasaniya wezi mu maso ghinu, ine ndi ŵanthu ŵinu? Si nchifukwa chakuruta nafwe pamoza imwe, kuti tiziŵikadi, ine ndi ŵanthu ŵinu, kuti tipambana nawo ŵanthu wose ŵanyake wo ŵe pa charu chapasi?”

Yeremiya 10:16

Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

Marangu 14:2

Pakuti imwe mwe ŵanthu ŵakupaturika ku Ambuya Chiuta winu, ndipo Ambuya amusankhani kuŵa ŵanthu ŵa chihara chawo, mu ŵanthu wose wo ŵemu charu.

Marangu 32:9

Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;