1 ŴaKaronga 8:30 - Tonga Bible 1986

³⁰ Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

1 ŴaKaronga 8:30 ပူးပေါင်းရင်းမြစ်များ

1 ŴaKaronga 8:34

iku vwani imwe kuchanya ko, ndipo gowokiyani kulakwa kwa khamu linu la Yisraele, ŵawezgiyeni so ku charu chenicho mungupaska ku auskeu.

1 ŴaKaronga 8:36

vwani imwe kuchanya ko, ndipo gowokiyani kulakwa kwa ŵaŵanda ŵinu, khamu linu Yisraele, po mutuŵasambizga nthowa yamampha yo ŵatenere kwendamo, perekani vuwa pa charu chinu, chenicho mukupaska khamu linu kuŵa chihara.

1 ŴaKaronga 8:39

vwani imwe kuchanya ko malo gha uja winu, ndipo gowokiyani, ndi chitani, mupaske kwaku yose yo mwaziŵa mtima wake, kwakulingana ndi nthowa zake zose (chifukwa imwe, ndimwe pe, muziŵa mitima ya ŵana ŵa ŵanthu);

1 ŴaKaronga 8:43

vwani imwe kuchanya ko malo gha uja winu, ndipo chitani kwakulingana ndi chose cho mulendo wadaniya kwaku imwe; mwakuti ŵanthu wose ŵa charu chapasi ŵaziŵe zina linu ndi kumopani imwe nge ndimo ŵachitiya ŵa khamu linu Yisraele, mwakuti ŵaziŵe kuti nyumba iyi ndazenga yidanika ndi zina linu.

1 ŴaKaronga 8:49

iku vwani imwe kuchanya ko malo gha uja winu rombu lawo ndi kuŵeyere kwawo, ndi khozgani linweka lawo,

2 Mikoka 20:6

Ndipo wanguti, “Ambuya, Chiuta wa ŵambuyafwe, kumbi imwe kuti ndimwe Chiuta wakuchanya cha? Kumbi kuti muwusa cha pa mafuku ghose gha ŵamitundu? Mu janja linu mwe nthazi ndi uchinkhara, mwakuti palive yumoza yo wangaziŵa kumikana namwe?

2 Mikoka 6:21

Vwani kuŵeyere kwaku ndamteŵeti winu, ndi kwa ŵanthu ŵinu ŵaYisraele ŵachiromba mu malo yagha; inya vwaninga imwe muchiŵa mu malo ghinu ghakujamo kuchanya, ndipo muchivwa gowokiyani.

2 Mikoka 7:14

Ndipo asani ŵanthu ŵangu wo ŵadanika ndi zina langu ŵatijiyuyuwa, ŵaromba ndi ŵapenja chisku changu, ŵaweko ku nthowa zawo ziheni, po ndipo ndikavwanga kuchanya ndi kuŵagowoke uheni wawo, ndi kuchizga charu chawo.

Sumu 123:1

Kwaku imwe ndiyinuskiya maso, kuchanya, ko imwe muwusa!

Sumu 28:2

Vwani mazu gha kuŵeyere kwangu, ndichikutiya chovyo kwaku imwe, po ndisoske manja ghangu kulazga ku malo ghinu, ghakupaturika kwakuruska.

Sumu 85:2

Mungureke kulakwa kwa khamu linu; mungugowoke kubende kwawo kose.

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Wakutaula 5:2

Ungarongoronga kwakuthaŵiriya cha, nanga nkhuzomerezga mtima wako kupusumphiska mazu pakurongoro paurongo paku Chiuta, chifukwa Chiuta we kuchanya, iwe we panu pasi, pa chifukwa ichi mazu ghako ghaŵenge ghamanavi.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Danyele 9:19

Ambuya, vwani, gowokiyani; Ambuya phwereni ndi chitani; rekani kuswera chifukwa chaku mwaŵeni, A Chiuta wangu, chifukwa msumba winu ndi ŵanthu ŵadanika ndi zina linu.”

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Mateyu 6:12

Ndipo tirekiyeni mateu ghidu. Nge ndimo nafwe so taŵarekea mateu ŵidu.

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.