1 ŴaKaronga 8:23 - Tonga Bible 1986

²³ ndi wanguti, “Ambuya mwe, Chiuta waku Yisraele, kulivi Chiuta wakukozgana ndi imwe, kuchanya ko pamwenga pasi pa charu wakusunga phanganu ndi kurongo chifundu ku ŵaŵanda ŵinu wo ŵatenda paurongo pinu ndi mtima wawu wose,

1 ŴaKaronga 8:23 ပူးပေါင်းရင်းမြစ်များ

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 33:20

Penipo wanguzengapo jochero la sembe ndi wangudanapo kuti Ele-elohe-Yisraele.

2 Samuele 7:22

Mu chifukwa ichi ndimwe ŵakuru, A, Ambuya Chiuta; pakuti kulivi wakuyana namwe, ndipo kulivi Chiuta pade paku imwe kwakulingana ndi vyo tavwa ndi makutu ghidu.

1 ŴaKaronga 2:4

alinga kuti Chiuta wafiske mazu ghenigho wangurongoro paku ine, kuti, ‘Asani ŵana ŵako ŵakaphwerenga nthowa zawo, kwachenda paurongo pangu mu ukongorekwa ndi mtima wawo wose ndi ndimzimu wawo wose, kuti wakaperengapo munthu cha wako pa chitengo chaku Yisraele.’

1 ŴaKaronga 3:6

Ndipo Solomoni wanguti, “Mungurongo chifundu chikuru ku muŵanda winu Davidi ada, chifukwa wangwenda paurongo pinu mu ukongorekwa, mu urunji, ndi mukunyoroka kwa mtima kwaku imwe, ndipo munguŵaŵikiya chifundu chikuru ichi, ndipo munguŵapaska mwana munthurumi wakuja pachitengo chawo msana wale.

1 ŴaKaronga 6:12

“Ghapa nyumba iyi yo iwe uzenga, asani wendenge mu marangu ghangu, kuvwiya vyeruzgu vyangu, kusunga malangulu ghangu ndi kwenda mwaku gho, po ndipo ndikafiskanga mazu ghangu ndi iwe, gho ndingukamba ndi Davidi ausu.

1 ŴaKaronga 8:24

imwe mwasunga ndi muŵanda winu Davidi ada chenicho mungutaula kwaku iyo, inya, mungurongoro ndi mlomo winu ndipo ndijanja linu mwafiska msana wale.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

Ezra 1:3

Munthu wako yose yo we mukati mwinu Chiuta wake waŵe nayo, wakwere ku Yerusalemu kwachizenga so nyumba ya Ambuya Chiuta waku Yisraele yo ndi Chiuta waja mu Yerusalemu;

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Sumu 113:5

Kulivi nanga njumoza wakuyana ndi Ambuya Chiuta widu; aja pa chitengo chawo kuchanya.

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Chituwa 3:15

Chiuta wangunena nayo so Mosese, “Viyo ndimo ukanene ku ŵaYisraele, ‘Ambuya Chiuta wa auskemwe Chiuta waku Abrahamu, Chiuta waku Yisaki, ndi Chiuta waku Yakobe, wandituma kwaku imwe’; ili ndi zina langu muyaya, ndipo viyo ndimo ndikakumbukikiyanga mu migonezi yose.

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Yesaya 40:25

Na sono mundiyaniskenge ndi yani, kuti ndikozgani nayo? watiti Mtuŵa Yumoza yo.

Yeremiya 10:16

Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.

Yeremiya 10:6

Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

Luka 1:72

kwachichitiya lisungu ku auskefwe, ndi kwachikumbuka phanganu lake lakupaturika;

Marangu 7:12

“Ndipo chifukwa mwamuvwiya vyeruzgu vyo ndi kuvisunga, Ambuya Chiuta winu wakasunganga kwaku imwe phanganu ndi lisungu lenilo wangurapa kwa auskemwe.

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.