1 ŴaKaronga 8:12 - Tonga Bible 1986

¹² Sono Solomoni wanguti, “Ambuya aŵika lumwi mu machanya, kweni akamba kuti akajanga mu mdima uzitu.

1 ŴaKaronga 8:12 ပူးပေါင်းရင်းမြစ်များ

2 Samuele 22:10

Wangukotamiska machanya, wanguza pasi, mdima wa munkhorwe wenga pasi pa marundi ghake.

1 ŴaKaronga 8:11

mwakuti ŵazukuru kuti ŵanguziŵa kuteŵeta cha chifukwa cha mtambo, pakuti unkhankhu wa Ambuya unguzaza nyumba ya Ambuya.

Nehemiya 8:5

Ndipo Ezra wangujura buku liya pa maso gha ŵanthu wose pakuti iyo wenga pachanya pa ŵanthu wose; ndipo wanguti walijura ŵanthu wose ŵanguma.

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Chituwa 20:21

Ndipo ŵanthu ŵanguma patali, penipo Mosese wanderenga kufupi ku mdima uzitu kweniko wenga Chiuta.

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

Marangu 4:11

Mungundere pafupi ndi kuma musina mu phiri, ndipo phiri lingukole moto kufika pakati-kati pa mtambo, ndi mdima ndi mabingu ndi munkhorwe bi.

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.

ŴaHebere 12:18

Chifukwa mulive kuzako ku phiri lo lakwaskikanga, ndi lingukole ndi moto, ndi ku munkhorwi, ndi ku mdima, ndi ku kanthenga,