1 ŴaKaronga 8:1 - Tonga Bible 1986

¹ Pavuli Solomoni wanguwunjika pamoza ŵara ŵaku Yisraele, ndi ŵarongozgi wose ŵa mafuku, ŵarongozgi ŵa nyumba za auskeu ŵa khamu laku Yisraele, paurongo pa karonga Solomoni mu Yerusalemu, kwachito bokosi la phanganu la Ambuya kutuwa mu msumba waku Davidi, wo ndi Zioni.

1 ŴaKaronga 8:1 ပူးပေါင်းရင်းမြစ်များ

2 Samuele 6:6

Ndipo po ŵanguti ŵafika pa mbuli waku Nakoni, Uza wangutambasuriya janja lake pa Bokosi laku Chiuta wanguliko, pakuti ng'ombe zinguguŵa.

1 ŴaKaronga 2:10

Sono Davidi wangula pamoza ndi awiske, ndipo wanguŵikika mu msumba waku Davidi.

1 ŴaKaronga 3:15

Ndipo Solomoni wanguyuka, kweni ehe, ili lenga loto. Pavuli wanguza ku Yerusalemu, ndipo wanguma paurongo pa bokosi la phanganu la Ambuya, wangupereka sembe zakocha ndi sembe za chimangu, ndipo wanguchitiya dghera ŵaŵanda ŵake wose.

1 Mikoka 11:7

Davidi wajanga mu linga lakukhozgeka; chifukwa cho ungudanika msumba waku Davidi.

1 Mikoka 15:25

Viyo Davidi, ndi ŵara ŵa ŵaYisraele, ndi ŵakulangula ŵa vikwi ŵanguruta kwachito bokosi la phanganu la Ambuya kutuwa ku nyumba yaku Obededomu ndi kukondwa.

1 Mikoka 15:29

Penipo lafikanga bokosi la phanganu la Ambuya mu msumba waku Davidi, Mikala mwana munthukazi waku Sauli wangulingizga ku bwalo pa dangazi, ndipo wanguwona karonga Davidi wachivina ndi kukondwa, ndipo wangumuyeya mu mtima wake.

1 Mikoka 15:3

Davidi wanguwungang'a ŵaYisraele wose ku Yerusalemu kwachitore bokosi la Ambuya ku malo ghake ghenigho wangulinozge.

1 Mikoka 28:1

Davidi wanguwunganiska zinduna zose za ŵaYisraele mu Yerusalemu zinduna za mafuka, ndi ŵarongozgi ŵa vigaŵa vyo vyateŵetiyanga karonga wakulamula wa vikwi, ŵakulamula ŵa machumi pe chumi, ŵasungi ŵa usambasi wose ndi ng'ombe zose vya karonga ndi ŵana ŵake pamoza ndi nduna za karonga, ndi vinkhara, ndi ŵankhondo wose ŵakuziŵiriya.

2 Mikoka 30:1

Hezekiya wangutuma mazu ku ŵaYisraele wose ndiso wangulemba ŵakarata kwaku Efraimu ndi Manase kuti ŵaze ku nyumba ya Ambuya ku Yerusalemu kuzachichitiya phaska Ambuya Chiuta waku Yisraele.

Ezra 3:1

Unguti wafika mwezi wa chinkhonde ndi chiŵi ŵaYisraele ŵenga mu mizi yawo, ndipo wose ŵanguwungana pamoza ku Yerusalemu.

Sumu 102:21

Ndipo ŵanthu ŵakataulanga zina la Ambuya mu Zioni; ŵakaperekanga viwongo kwaku iwo mu Yerusalemu,

Sumu 9:11

Mbiyani marumbu ku Ambuya, akuja mu Zioni! Taulani mukati mu ŵanthu nchitu zawo!

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Maŵerengedu 1:4

Ndipo pamoza namwe waŵepo munthu yumoza wafuko le lose, yose wakuŵa mura mu nyumba za auskeu.

Yoswa 23:2

wangudana ŵaYisraele, wose ŵaraŵara ŵawo ndi ŵarongozgi, ŵeruzgi ŵawo ndi zinduna, Yoswa wanguti kwaku wo, “Ine sono ndakota nde wa virimika vinandi;

Yoswa 24:1

Ndipo Yoswa wanguwunjika mafuku ghose ghaku Yisraele ku Shekemu, wangudana ŵaraŵara, ŵarongozgi, ŵeruzgi ndi zinduna; ndipo ŵanguza paurongo paku Chiuta.

1 Petro 2:6

Chifukwa mu lembo kutiti, “Aona, ndijarika mu Zioni mwa, wachikhozge-nyondo, wakusankhika, wakuzirwa: ndipo mweniyo ngwakuvwana paku iyo wangalengeskeka cha.”