1 ŴaKaronga 7:8 - Tonga Bible 1986

⁸ Nyumba yaku iyo mwenecho mo wajanga, mu bwaro linyake ku msana kwa chipinda, yenga yakuzengeka ndi misili mweniyo pe. Solomoni wanguzenga so nyumba yakuyana ndi chipinda ichi wanguzenge mwanamunthukazi waku Farao yo wanguto kuŵa muwoli.

1 ŴaKaronga 7:8 ပူးပေါင်းရင်းမြစ်များ

1 ŴaKaronga 3:1

Solomoni wanguchita chanasi cha nthengwa ndi Farao karonga wa Egipiti; wangu to mwana munthukazi waku Farao ndipo wanguza nayo mu msumba waku Davidi, mpaka penipo wangumalizga kuzenga nyumba yake ndi nyumba ya Ambuya ndi linga lakuzunguliya Yerusalemu.

1 ŴaKaronga 7:9

Zose izi zinguchitika ndi mya ya mtengo, yakusemeka kwakuyana ndi mweso, yakuchekeka ndi vyakucheke ku msana ndi ku maso, kwamba pa chiŵanja kwachifika muzeri wakumariya wachimati, kwamba bu bwalo la nyumba ya Ambuya kwachifika ku bwalo likuru.

1 ŴaKaronga 9:16

(Farao karonga wa Egipiti wangukwera, wangukwamphuwa Gezeri ndi wanguwocha ndi moto, wangubaya ŵaKanani wo ŵajanga mu msumba wuwa, ndipo wanguwupaska nge nchimaru ku mwana wake munthukazi, muwoli waku Solomoni;

1 ŴaKaronga 9:24

Kweni mwana munthukazi waku Farao wangukwera kutuwa ku msumba waku Davidi kuya ku nyumba yake yo wangumuzenge Solomoni, pavuli wanguzenga Milo.

2 ŴaKaronga 20:4

Ndipo Yesaya wenga wandatuwe mu chipinda chapakati, mazu gha Ambuya ghanguza kwaku iyo:

2 Mikoka 8:11

Solomoni wanguza ndi mwana munthukazi waku Farao kutuwa mu msumba waku Davidi, kuza nayo ku nyumba yo wangumuzenge, chifukwa wanguti, “Muwoli wangu wareke kuja mu nyumba yaku Davidi karonga waku Yisraele, chifukwa malo gha, kwaza bokosi la Ambuya sono ngakupaturika.”