1 ŴaKaronga 7:23 - Tonga Bible 1986

²³ Sono wanguchita nyanja yakwenguwa, yenga yakuzingiliya, mikono chumi kutuwa mu mlomo kuya mu mlomo unyake ndi mikono yinkhonde mu msinkhu, chingwe cha mikono machumi ghatatu (30) chingupima mwakuwe kwake.

1 ŴaKaronga 7:23 ပူးပေါင်းရင်းမြစ်များ

1 ŴaKaronga 7:22

Ndipo pachanya pa nchindamiru penga kachitidu ka maluŵa gha lombo. Viyo ndimu yingumariya nchitu ya nchindamiru.

1 ŴaKaronga 7:44

nyanja yimoza, ndi ng'ombe chumi ndi ziŵi (12) kusi kunyanja.

2 ŴaKaronga 16:15

Ndipo karonga wangulanguliya Uriya, kuti, “Pachanya pa jochero likuru wochiyengepo mpasku wa mlenji, ndi mpasku wa ufwa wa mazulo, ndi mpasku wakocha wa karonga, ndi mpasku wake wa ufwa, pamoza ndi mpasku wakocha wa ŵanthu wose ŵa charu ichi, ndimpasku wawo wa ufwa, ndi mpasku wawo wakumwa, upunguliyengepo ndopa zose za mpasku wakocha, ndi ndopa zose za sembe: kweni jochero la mkuŵa likaŵanga langu la kufumbiyapo.”

2 ŴaKaronga 16:17

Sono karonga Ahazi wangudumuwako marundi gha vyakumapo ndipo wangutuzgapo vyakusambiyamo, paku vyo, wangupawuskako nyanja ku ng'ombe za mkuŵa zo zenga kusi kwake, wanguŵika pachanya pa chiguŵa cha mya.

2 ŴaKaronga 25:13

Ndipo mizati ya mkuŵa yo yinguŵa mu nyumba ya Ambuya, ndi vyakumapo ndi nyanja ya mkuŵa yo yenga mu nyumba ya Ambuya, ŵaKaldiya ŵangubwanganduwa tumanatumana, ŵangunyamuliya mkuŵa ku Babiloni.

1 Mikoka 18:8

Viyo pe ku Tabihati ndi ku Kuni, misumba yaku Hadadezere, Davidi wangutoko mikuŵa yinandi yeniyo Solomoni wangupanga nayo nyanja, mizati ndi viyaŵi vya mkuŵa.

2 Mikoka 4:2

Wanguchita so nyanja ya kusongono yakuzunguriya, yo mikono yake yenga chumi kuzunguriya likumba lake, kuzaza kwake kwenga mikono yinkhonde, ndi chipimu cha mikono machumi ghatatu (30) chingulongo kuzingiriya kwake.

Chituwa 30:17

Ambuya anguti kwaku Mosese,

Chituwa 38:8

Ndipo wanguchita chakusambiyapo cha mkuŵa, ndi chiŵanja chake cha mkuŵa, cha magalasi gho ŵanthukazi ŵakuteŵeta wo ŵateŵetiyanga pa khomo la hema lakuwunganamo.

Yeremiya 27:19

Pakuti atiti viyo Ambuya ŵa maŵanja gha pa mizati, nyanja, vyakuŵikapo, ndi viyaŵi vinyake vyo vikusiyaka mu msumba uwu,

Yeremiya 52:17

Ndipo ŵaKaldiya ŵanguswa tumana-tumana mizati ya mkuŵa yo yenga mu nyumba ya Ambuya, ndi vyakujarikapo, ndi nyanja ya mjuŵa vyo vyenga mu nyumba ya Ambuya, ŵanguvitole ku Babiloni.

Yeremiya 52:20

Nge ndi mizati yo yiŵi, ndi nyanja yimoza, nkhuzi chumi ndi ziŵi za mkuŵa zo zenga kusi ku nyanja, ndi vyakujarikapo, vyo karonga Solomoni wanguchitiya nyumba ya Ambuya, mkuŵa waku ivi vyose ungulutizga pa uzitu.