1 ŴaKaronga 6:5 - Tonga Bible 1986

⁵ Wanguzenga so chakuchirikiriya chimati cha nyumba, chakuzunguliya vimati vya nyumba, vyose viŵi malo gha pakati ndi malo ghatuŵa gha mukati ukongwa; wanguchita vipinda vya mumphepete kuzunguliya kosekose.

1 ŴaKaronga 6:5 ပူးပေါင်းရင်းမြစ်များ

1 ŴaKaronga 6:16

Wanguzenga mikono machumi ghaŵi (20) kuvuli kwa nyumba ndi mathabwa gha milanji kutuwa pasi kufika ku mapasu, ndipo wanguzenga ichi mukati nge ndi malo ghatuŵa, gha mukati ukongwa, nge ndi malo ghatuŵa kwakuruska.

1 ŴaKaronga 6:31

Khomo la kuserere mu malo ghakupaturika gha mukati ukongwa wangulichitiya visasa vya mathabwa gha olive; miti yakupinjika pachanya pa makhomo ndi mphanjizgu vingupangika kuŵa nge nchimoza cha visongo vinkhonde.

1 ŴaKaronga 6:6

Nyumba yapasi ukongwa yenga mikono yikhonde usani, ya pakati yenga mikono nkhonde ndi umoza usani, ndipo yachitatu yenga mikono nkhonde ndi yiŵi usani, pakuti kuzunguliya kubwalo kwa nyumba wanguzenga vyakurutizga mu chimati alinga kuti mathabwa ghakupinjika ghakukhozge ghareke kuserezgeka mu vimati vya nyumba.

1 Mikoka 23:28

Kweni mlimu wawo uŵenge kovya ŵana ŵaku Aroni kuchita mlimu wa nyumba ya Ambuya, kuphwere maluluwa ndi vipinda, kuphoto vinthu vyose vyakupaturika, ndi nchitu ye yose ya mlimu wa nyumba yaku Chiuta;

1 Mikoka 28:11

Ndipo Davidi wangupaska mwana wake chipimu chakuwoniyapo cha khumbi ndi cha nyumba yakupaturika ndi cha nyumba zake ndi cha vyakusungamo vyuma, cha vipinda vyake vya mukati, cha chipinda cha chitengo cha lisungu;

1 Mikoka 9:26

pakuti fumu zinayi za ŵalinda malikomo, wo ŵenga ŵaLevi ŵenga ŵakusunga vipinda ndi vyakusungiyamo chumi cha nyumba yaku Chiuta.

2 Mikoka 31:11

Viyo karonga Hezekiya wanguŵalanguliya kulongoso vipinda mu nyumba ya Ambuya; ndipo ŵanguvilongoso.

2 Mikoka 4:20

vikoleru-nyali ndi nyali zawo za golide wakwenga kuti zikolenge mukati mu malo ghakupaturika nge ndimo kungulangulikiya;

2 Mikoka 5:7

Viyo ŵazukuru wanguserezga bokosi la phanganu mu malo ghakupaturika gha mukati mu nyumba mu malo ghatuŵa ukongwa, kusi ku mapapa gha makerubi.

2 Mikoka 5:9

Ndipo minthambi yenga yitaliko ndi kuti songo zawo zawonekanga kutuliya ku malo ghakupaturika paurongo pa malo ghakupaturika gha mukati; kweni kuti yawonekanga kubwalo cha, yekweniko mpaka zuŵa lino.

Nehemiya 10:37

ndi kuza ndi mabulunga ghidu ghakudanga gha ufwa wakukanya, ndi mipasku yidu, chipasi cha muti we wose, vinyo ndi mafuta ku ŵazukuru, kuvipinda vya nyumba yaku Chiuta widu, ndi kutole ku ŵaLevi vya chichumi vya nyata yidu, pakuti mba Levi ŵeniwo ŵalonde vya chichumi mu mizi yidu yose zingirizgi.

Nehemiya 12:44

Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

Sumu 28:2

Vwani mazu gha kuŵeyere kwangu, ndichikutiya chovyo kwaku imwe, po ndisoske manja ghangu kulazga ku malo ghinu, ghakupaturika kwakuruska.

Chituwa 25:22

Muwa ndikakumananga namwe, kutuwa pachanya pa chitengo cha lisungu, kutuwa pakati pa ŵakerubi wo ŵaŵi wo ŵe pachanya pa bokosi la phanganu, ndikakabanga namwe ghaku vyose vyo ndilanguliyenge ŵaYisraele.

Sumu ya Zisumu 1:4

Ndiguziye kuvuli kwako, tiye titinthimike. Karonga wanditore mu vipinda vyake. Tikondwenge ndi kusekere mwaku iwe; tikarumbanga chanju chako kwakuruska vinyo; ŵatukwanja umamphavi.

Yeremiya 35:2

“Ruta ku nyumba yaŵina Rekabu, ukarongoro nawo, ndi ukaze nawo ku nyumba ya Ambuya, mu chimoza cha vipinda: ndi ukaŵapaske vinyo kwachimwa.”

Yeremiya 35:4

Ndinguŵatole ku nyumba ya Ambuya mu chipinda cha ŵana ŵaku Hanani mwana waku Igdaliya munthu waku Chiuta, chenicho chenga pafupi ndi chipinda cha ŵaraŵara, pachanya pa chipinda chaku Maseya mwana waku Shalumu, wakusunga pa khomo.

Ezekiele 40:17

Sono wangunditore mu luluwa la kubwalo; ehe, muwa mwenga vipinda ndi kanthowa kakuyarikika ndi mya, kuzunguliya luluwa; vipinda machumi ghatatu vyenga mu kanthowa ko kakuyarikika ndi mya.

Ezekiele 40:44

Wanguza nane kutuwa kubwalo kundiserezga mu luluwa la mukati, awonani, mu luluwa la mukati, mwenga vipinda viŵi, chimoza chenga ku likomo laku nkhonde chalereskanga ku malaŵi, chinyake chenga ku likomo laku malaŵi chalereskanga ku nkhonde.

Ezekiele 41:4

Ndipo wangupima utali wa chipinda, mikono machumi ghaŵi (20) usani wake machumi ghaŵi (20), panthazi pa kasopi. Sono wangunena nane, Yagha ndi malo ghatuŵa ukongwa kwakuruska.

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

Maŵerengedu 7:89

Ndipo penipo Mosese wangusere mu hema lakuwunganamo kwachirongoro ndi Ambuya wanguvwa mazu gha yumoza kurongoro ndi iyo, kutuliya pachanya pa chitengo cha lisungu cho chenga pa bokosi la chisimikizgu, kutuliya pakati pa Makerubi ghaŵi; ndipo wangurongoro nayo.