1 ŴaKaronga 6:1 - Tonga Bible 1986

¹ Mu chirimika cha machumi pe chumi ghanayi ndi machumi ghankhonde ndi ghatatu (480) ŵaYisraele ŵati ŵatuwa mu charu cha Egipiti, mu chirimika cha chinayi cha muwusu waku Solomoni pa ŵaYisraele, mu mwezi wa Zivu, wo ndi mwezi wachiŵi, wangwamba kuzenga nyumba ya Ambuya.

1 ŴaKaronga 6:1 ပူးပေါင်းရင်းမြစ်များ

1 ŴaKaronga 6:2

Nyumba yo karonga Solomoni wanguzenge Ambuya yenga mikono machumi ghankhonde ndi limoza (60) utali, mikono machumi ghaŵi (20) usani, ndi mikono machumi ghatatu (30) utali wa wima.

1 ŴaKaronga 6:37

Mu mwezi wa Zivu, chirimika cha chinayi chiŵanja cha nyumba ya Ambuya chinguchitika.

1 Mikoka 29:19

Mupaske kwaku Solomoni mwana wangu mtima wakufikapo kusunga marangu ghinu, visimikizgu vinu, ndi vilayizgu vinu ndi kuchita vyose ivi ndi kuti wazenge nyumba yo ndalongosole limu vya nchitu yake.”

1 Mikoka 6:10

ndi Johanani waku Azariya (ndipo uyu wanguteŵeta nchitu ya uzukuru mu nyumba yo Solomoni wanguzenga mu Yerusalemu).

2 Mikoka 3:3

Vipimu vyaku Solomoni pakuzenganyumba yaku Chiuta ndi ivi; utali wake mu mikono kwakulingana ndi chipimu chakudanga wenga mikono machumi ghankhonde ndi limoza (60) usani wake machumi ghaŵi (20).

Ezra 5:11

Ndipo pakwamuka ŵanguti, ‘Te ŵanchitu ŵaku Chiuta wa kuchanya ndi wa charu chapasi. Tizenga so nyumba yo yinguzengeka virimika vinandi vyarutapo, yeniyo karonga mkuru waku Yisraele wanguzenga ndi kuyimarizga.

Sumu 78:69

Penipa anguzengapo nyumba yawo yakupaturika, nge ndi muzi wawo kuchanya; anguwukhozga nge ncharu chapasi, kuwuvikiriya nyengo yose.

Chituwa 12:41

Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.

Chituwa 12:51

Ndipo mu zuŵa leniliya Ambuya angutuzga ŵaYisraele mu charu cha Egipiti mu maŵanja ghawo.

Ezekiele 41:1

Wanguza nane mu kasopi mukati, wangupima nchindamilo; uku ndi uku usani wake zenga mikono yinkhonde ndi umoza.

Hagayi 1:8

Kwerani mu mapiri mukatimu miti ndi muzachizenga nyumba, mwakuti ndikondwe nayo, ndi kuti ndiwoneke mu unkhankhu wangu, atiti Ambuya.

Zekariya 6:15

“Wo ŵe kutali ŵakazanga ndi kovya kuzenga nyumba ya Ambuya; ndipo mukaziŵanga kuti Ambuya ŵa maŵanja andituma kwaku imwe. Ndipo ichi chichitikenge nadi, asani mukavwiyanga ndi phamphu mazu gha Ambuya Chiuta winu.”

Maŵerengedu 1:1

Ambuya angurongoro ndi Mosese mu bozwa la Sinai, mu hema lakuwunganamo, pa zuŵa lakudanga mu mwezi wa chiŵi chirimika cha chiŵi ŵanguti ŵatuwa mu charu cha Egipiti, anguti,

Machitidu gha Ŵakutumika 13:19

Ndipo wanguti wapopeska mitundu yinkhonde ndi yiŵi mu charu cha Kanani, wanguŵapaska charu chaku wo nge nchihara, akhumba ku nyengo ya virimika machumi pe chumi ghanayi ndi machumi ghankhonde;

Machitidu gha Ŵakutumika 7:47

Kweni Solomi wangumzenge nyumba.

1 ŴaKorinte 6:19

Pamwenga mureka kuziŵa kumbi kuti liŵavu linu ndi kasopi wa Mzimu Wakupaturika wakuŵa mukati mwinu, yo mwe nayo kutuwa kwaku Chiuta? Ndipo kuti mwe waku mwaŵeni cha;

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

ŴaHebere 11:10

chifukwa walerezenga msumba wo wakuŵa ndi viŵanja, waku weniwo mzengi ndi chata ndi Chiuta.

ŴaHebere 9:11

Kweni Kristu, pakuza ngendi mzukuru mura wa vinthu vyamampha vyakukhasa kuza, mu chihema cho chikuruka ndi chakufiskikaka, chakwatika ndi manja cha, ndikwesa kuti, cha kalengekedu kano cha, chingana ndi mu ndopa za vyaphongu ndi matholi cha, kweni mu ndopa zaku Yija.

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

Ŵeruzgi 11:26

Wachija Yisraele mu Heshiboni ndi mizi yake, ndimu Aroere ndi mizi yake, ndi mu misumba yose yo ye mumphepete mwa Arnoni, virimika machumi pe chumi ghatatu (300) chifukwa chine wengavi kuvironda so mu nyengo yeniyiya?