1 ŴaKaronga 4:25 - Tonga Bible 1986

²⁵ Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

1 ŴaKaronga 4:25 ပူးပေါင်းရင်းမြစ်များ

2 Samuele 17:11

Kweni ine fundu yangu njakuti, ŵaYisraele wose ŵawungane kwako, kutuwa ku Dani mpaka ku Beresheba, nge ndi mchenga wapa likumba la nyanja unandi wawo, ndikuti imwe namwe mwaŵeni muruti ku nkhondo.

2 Samuele 24:15

Viyo Ambuya angutuma chideru pa ŵaYisraele kutuwa ndi mlenji mpaka pa nyengo yakutemeka; ndipo ŵangufwa ŵanthu vikwi machumi ghankhonde ndi ghaŵi (70,000) kutuliya ku Dani mpaka ku Beresheba.

2 ŴaKaronga 18:31

Mungavwangako cha kwaku Hezekiya, pakuti karonga wa Asiriya watiti, ‘Chitani chimangu ndi ine ndipo zani kwaku ine po ndipo yose waku imwe wakarghanga vya mphereska ya mweneko, yose vya mkuyu wa mweneko, ndipo we yose waku imwe wakamwanga maji gha chisima cha mweneko;

1 Mikoka 22:9

Wona, mwana munthurumi wakapapikanga kwaku iwe; wakaŵanga munthu wa chimangu. Ndikamupumuzganga ku ŵarwani ŵake wose ŵakumuzunguliya; pakutu zina lake likaŵanga Solomoni, ndipo nkhapaskanga chimangu ndi bata kwaku Yisraele mu mazuŵa ghake.

Yesaya 36:16

Mungategherezganga kwaku Hezekiya; pakuti karonga wa Asiriya watiti: Chitani chimangu ndi ine ndipo muzi kwangu, po ndipo we yose waku imwe wakarghanga vya mphereska yapa mtima wake, ndi we yose vya mkuyu wapa mtima wake, ndipo we yose waku imwe mukamwanga maji gha chisima chapa mtima wake;

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Ezekiele 38:11

Kuti, ‘Ndikakweranga kulimbana ndi charu cha mizi yambura malinga; ndikarotokiyanga pa ŵanthu ŵachisisi wo ŵaja kwa kufwasa, wose ŵaja mwambura malinga, ŵalivi mipiringizgu pamwengamalikomo.’

Ezekiele 39:26

Ŵaruwenge soni zawo, ndi utimbanizi wose wo ŵachitiya ine, penipo ŵaja kwakudekha mu charu chawo kwambura nanga njumoza wakuŵatenthemeska,

Mika 4:4

Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.

Zekariya 3:10

Mu zuŵa lo, atiti Ambuya ŵa maŵanja, munthu yose wadanenge mwanase wake kuja pasi mu mphereska yake ndi mkuyu wake.”

Ŵeruzgi 20:1

Sono ŵaYisraele ŵangutuwa, kwamba ku Dani kufika ku Beresheba, ndi charu chaku Gileada, ndipo mpingu wo unguwungana uli ndi munthu yumoza ku Ambuya pa Mizipa.

1 Samuele 3:20

Viyo ŵaYisraele wose kutuliya ku Dani mpaka ku Beresheba ŵanguziŵa kuti Samuele wasankhika kuŵa mchimi wa Ambuya.