1 ŴaKaronga 4:21 - Tonga Bible 1986

²¹ Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

1 ŴaKaronga 4:21 ပူးပေါင်းရင်းမြစ်များ

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

2 Samuele 8:6

Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

1 ŴaKaronga 12:4

“Ausu ŵanguzitiska goŵa lidu viyo sono uyuyuske nchitu yizitu ya ausu ndi goŵa lake lizitu paku ifwe, ndipo tikakuteŵetiyanga.”

1 ŴaKaronga 3:13

Nditukupaska so vyo ulivi kupempha, vyose usambasi ndi ulemu, viyo kuti palivi karonga yo walinganenge nawe mu mazuŵa ghako ghose.

1 ŴaKaronga 4:22

Vyakurgha vyaku Solomoni vya zuŵa limoza vinguŵa myeso machumi ghatatu (30) ya ufwa wakusililika ndi myeso machumi ghankhonde ndi limoza (60) ya ufwa wakuseŵa,

1 ŴaKaronga 4:24

Pakuti wenga ndi muwusu pa chigaŵa chose cha kuzambwe kwa Efrate kutuwa ku Tifisa mpaka ku Gaza, pa ŵakaronga wose kuzambwe kwa Efrate; ndipo wenga ndi chimangu mu vigaŵa vyose vyakumuzunguliya.

2 ŴaKaronga 17:3

Shalmanezara karonga wa Asiriya, wanguza kulimbana nayo; ndipo Hosheya wanguŵa nduna yake ya charu, ndipo wangupereka msonkho.

2 Mikoka 17:5

Pa chifukwa ichi Chiuta wangukhozga ufumu mu janja lake; ndipo Yuda yose wanguza ndi vyawanangwa kwaku Yehosafati; wenga ndi usambasi ndi ulemu ukongwa.

2 Mikoka 32:23

Ndipo ŵanandi ŵazanga ndi vyawanangwa kwaku Chiuta ku Yerusalemu, ndi vinthu vyakuzirwa kwaku Hezekiya karonga waku Yuda, viyo kuti wangukuzgika pa maso pa ŵamitundu wose kutuwa penipa.

Ezra 4:20

Mwenga so ŵakaronga ŵakuru mu Yerusalemu wo ŵausanga vyaru vya kusirgha kwa msinji; ndipo msonkho ndi mthulu, ndi msonkho wa miseu vyaperekekanga kwawo.

Sumu 68:29

Kutuliya ku nyumba yinu yakupaturika mu Yerusalemu, kweniko ŵakaronga ŵatimupingiyani vyawanangwa.

Sumu 76:11

Paskani Ambuya Chiuta winu cho mungupangana nayo; mose mwa mitundu yapafupi, paskani vya wanangwa kwaku iyo, kwakumweniyo ngwakwenere kopeka;

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Wakutaula 2:25

pakuti pade paku Iyo ndiyani wangargha pamwenga ndiyani wangaŵa ndi likondwa?

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Ezekiele 16:13

Viyo ndimu ungusatirikiya golide ndi siliva; ndipo vyakuvwara vyako vinguŵa vya bafuta wakutowa, saru yakuwolofoka, ndi saru yakujeduka ya maŵangamaŵanga; warghanga ufwa wa trigu wakung'ibuka, uchi, ndi mafuta. Ungukuwa wakutowa kwakufikapo, ndipo ungufika pa mazaza gha ukaronga.

Marangu 11:24

Malo ghose ghenigho phazi la lundi linu lamukanda ghakaŵanga ghinu. Charu chinu chikaŵanga kutuwa ku bozwa la Lebanoni ndi kutuwa ku msinji, msinji Efrate, kwachifika ku nyanja yaku maselelo gha dazi.

Yoswa 1:4

Kwamba ku bozwa ndi Lebanoni uyu kwachifika ku msinji ukuru, msinji wa Efrate, charu chose cha ŵaHiti kufika ku Nyanja Yikuru kumasereru gha dazi yikaŵanga mphaka yinu.

1 Samuele 10:27

Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.