1 ŴaKaronga 3:9 - Tonga Bible 1986

⁹ Viyo paskani muŵanda winu zeru yakuwamo pa kweruzga khamu linu, alinga kuti ndiziŵenge mphambanu pakati pa umampha ndi uheni pakuti njani wangaziŵa kweruzga khamu linu lenilikuru ili?”

1 ŴaKaronga 3:9 ပူးပေါင်းရင်းမြစ်များ

2 Samuele 14:17

Sono ndamteŵeti winu ndinguti, ‘Mazu gha mbuyangu karonga ghakandipumuzganga mtima’, pakuti mbuyangu karonga we nge ndi muthenga waku Chiuta kuziŵa umampha ndi uheni. Ambuya Chiuta winu waŵe namwe!”

1 ŴaKaronga 10:24

Ndipo charu chose chapasi chingupenja kuwona Solomoni kuvwa zeru zake, zenizo Chiuta wanguŵika mu mutu wake.

1 ŴaKaronga 3:10

Chingukondweska Ambuya kuti Solomoni wangupempha ichi.

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

1 Mikoka 22:12

Viyo Ambuya ŵija akupaske vinjeru ndi kuwamu, mwakuti achikupaska ulongozgi paku Yisraele, usungenge dangu la Ambuya Chiuta wako.

1 Mikoka 29:19

Mupaske kwaku Solomoni mwana wangu mtima wakufikapo kusunga marangu ghinu, visimikizgu vinu, ndi vilayizgu vinu ndi kuchita vyose ivi ndi kuti wazenge nyumba yo ndalongosole limu vya nchitu yake.”

2 Mikoka 1:10

Mundipaske zeru, ndi mziŵiru sono, mwakuti ndituwe ndi ndisere paurongo pa ŵanthu yaŵa, chifukwa ndiyani wangaziŵa kuwusa ŵanthu ŵinu ŵanandi nge ndi yaŵa?”

Sumu 119:144

Virungu chizgu vinu vyakurunjika muyaya; ndipaskeni kuwamo, mwakuti ndiŵe ndi umoyo.

Sumu 119:34

Ndipaskeni kuwamo, kuti ndisunge dangu linu: ndikalisunganga ndi mtima wangu wose.

Sumu 119:73

Mukundilenga ndimwe; ndipaskeni kuziŵa, mwakuti ndisambire marangu ghinu.

Nthanthi 14:8

Zeru ya munthu wakutakataka nkhuteska nthowa yake, kweni kupusa kwa ŵakupusa kupusika.

Nthanthi 16:16

Kusaniya zeru nkhwamampha kwakuruska golide kusaniya kuwamo nkhwamampha kwakuruska siliva.

Nthanthi 20:12

Gutu lakuvwa ndi jiso lakuwona, Ambuya akupanga viŵi viyo.

Wakutaula 7:11

Vinjeru vyamampha pamoza ndi chihara, nchanduwu kwaku wo ŵawona lumwi.

Wakutaula 7:19

Vinjeru vipaska nthazi ku munthu wazeru kwakuruska ŵakuwusa chumi wo ŵemu mu msumba.

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Mateyu 3:11

“Ine nadi ndikubatizani ndi maji ku ching'anamuka: kweni yo watuza pavulipangu ngwanthazi ndi ine, viyatu vyaku mweniyo kuti nde wakwenere cha ine kufwatuwa. Iyo wamkukubatizani ndi Mzimu Wakupaturika ndi moto.

Mateyu 3:14

Kweni Yohane wamkaniyanga, wakuti, “Ine ndikavuka kubatizika ndi imwe, ndipo kumbi imwe mutuza kwaku ine?”

Yohane 5:30

“Ine ndirive nthazi kuchita kanthu mwaku ndija: mo ndivwiya, nditeruzga; ndipo cheruzgu changu nchirunji; pakuti ndipenja khumbo langu cha, kweni khumbo laku yo wangundituma.

2 ŴaKorinte 2:16

kwaku yaŵa fungu la nyifwa ku nyifwa; ku ŵanyake wo fungu la umoyo ku umoyo. Ndipo wakukwaniya vyenivyo njani?

2 ŴaKorinte 3:5

Kuti ndikamba cha kuti te ŵakukwaniya mwaku taŵeni, kujipimiya nge tendi kanthu kakutuliya pa mtima waku taŵeni, kweni kukwaniriskika kwidu nkhwakutuliya kwaku Chiuta,

ŴaEfeso 5:17

Chifukwa chenichi mungaŵanga ŵakupusa cha, kweni ŵakuchiteska cho ndi khumbu la Ambuya.

ŴaFilipi 1:10

viyo kuti mupanikizge cho nchamampha; ndi kuti muŵe ŵakhovu ndi ŵambura kalema mu zuŵa laku Kristu;

ŴaHebere 5:14

Kweni chakurgha chakukhoma ncha ŵara, ŵeniwo mu kupiripita ŵe ndi vinjeru vyawo vyakurongosoleka kuteska chamampha ndi so chiheni.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.