1 ŴaKaronga 3:7 - Tonga Bible 1986

⁷ Ndipo sono, Ambuya Chiuta wangu, mwamuchita muŵanda winu kuŵa karonga mu malo ghaku Davidi ada, chingana nde mwana mumana; kuti ndiziŵa cha pakutuwa ndi pakusere.

1 ŴaKaronga 3:7 ပူးပေါင်းရင်းမြစ်များ

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

1 Mikoka 22:5

Pakuti Davidi wanguti, “Solomoni mwana wangu ndi mwanamana ndi wambura kuwamo, ndipo nyumba yo yizengekiyenge Ambuya yitenere kuŵa yikuru ukongwa, ya mbiri ndi ya unkhankhu mu vyaru vyose; chifukwa ichi ndiyilongosoliyenge.” Viyo Davidi wangunozga vinandi ukongwa wenga wandafwe.

1 Mikoka 22:9

Wona, mwana munthurumi wakapapikanga kwaku iwe; wakaŵanga munthu wa chimangu. Ndikamupumuzganga ku ŵarwani ŵake wose ŵakumuzunguliya; pakutu zina lake likaŵanga Solomoni, ndipo nkhapaskanga chimangu ndi bata kwaku Yisraele mu mazuŵa ghake.

1 Mikoka 29:1

Ndipo Davidi karonga wanguti ku wumba wose, “Solomoni mwana wangu, mweniyo yija Chiuta wasankha, ndi mwanamana, ndi wambura kuwamo, ndipo nchitu njikuru; chifukwa nyumba iyi kuti yikaŵanga ya munthu cha, kweni ya Ambuya Chiuta.

Sumu 121:8

Ambuya akuvikiriyenge uchituwa ndiuchisere, kutuwa kunu ku sono mpaka ku muyaya.

Nthanthi 18:12

Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

Wakutaula 10:16

Owe iwe, mtunda we, penipo karonga wako ndi mwana, ndi mafumu ghako ghaturgha madghera ndi mlenji.

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Yeremiya 1:7

Kweni Ambuya anguti kwaku ine, “Reka kukamba kuti, ‘Nde mwanamana’; pakuti kwaku wose wo ndikutumengeko ukarutanga, ndipo chose cho ndilanguliyenge iwe ukachikambanga.

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Maŵerengedu 27:17

mweniyo wakaŵadanjiriyanga ŵachiruta ndi wachisere; mwakuti mpingu wa Ambuya ureke kuŵa nge ndi mberere Zambura mliska.”

Yohane 10:9

Ine ndine khomo lo: asani yumoza waserere mwaku ine, wataskikenge, ndipo waserengemu ndi watuwengemu, ndipo wasaniyenge chipozwa.

Marangu 31:2

Ndipo wanguti kwaku wo, “Msana wale nde wa virimika machumi pe chumi pachanya machumi ghaŵi (120) vya umoyo wangu, kuti ndeche so ndi nthazi cha zakutuliya kubwalo ndi kuserere mu nyumba. Ambuya akundinene, ‘Kuti wambukenge Yordane uyu cha.’

1 Samuele 18:16

Kweni Yisraele yose ndi Yuda ŵangumwanja Davidi; pakuti wanguŵarongozga pakutuwa ndi pakusere.