1 ŴaKaronga 3:14 - Tonga Bible 1986

¹⁴ Ndipo asani ukendanga mu nthowa zanga, kusunga marangu ghangu ndi malangulu ghangu, nge ndimo wangwende Davidi ausu po ndipo ndikuskiyengeko mazuŵa ghako.”

1 ŴaKaronga 3:14 ပူးပေါင်းရင်းမြစ်များ

1 ŴaKaronga 11:34

Ndipuuli kuti ndikatonga wose cha ufumu ku janja lake; kweni ndikamuchitanga kuŵa wakuwusa mazuŵa ghose gha umoyo wake; chifukwa chaku Davidi muŵanda wangu yo ndingutondo, mweniyo wangusunga malangulu ghangu ndi marangu ghangu.

1 ŴaKaronga 15:5

chifukwa Davidi wanguchita chenicho chenga chakurunjika mu maso gha Ambuya, ndipo kuti wangung'anamukiya kunyake cha kwaku chose cho wangumulanguliya mazuŵa ghose gha umoyo wake, kweni mu chifukwa chaku Uriya pe mu Hiti yo.

1 ŴaKaronga 3:3

Solomoni wangwanja Ambuya, wakwenda mu marangu ghaku Davidi wiske; chimoza pe, wangupereka sembe zakocha pa malo gha pachanya.

1 ŴaKaronga 3:6

Ndipo Solomoni wanguti, “Mungurongo chifundu chikuru ku muŵanda winu Davidi ada, chifukwa wangwenda paurongo pinu mu ukongorekwa, mu urunji, ndi mukunyoroka kwa mtima kwaku imwe, ndipo munguŵaŵikiya chifundu chikuru ichi, ndipo munguŵapaska mwana munthurumi wakuja pachitengo chawo msana wale.

1 Mikoka 28:7

Nkhakhozganga ufumu wake muyaya asani wakarutiriyanga kusunga marangu ghangu ndi vyeruzgu uli ndimo wachitiya le.’

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Mikoka 29:2

Wanguchita cho chenga chakurunjika pa maso pa Ambuya, kwakuyana ndi chose cho mbuyake Davidi wanguchita.

2 Mikoka 34:2

Wanguchita cho nchamampha mu maso ghaku Chiuta, ndipo wangwenda munthowa zaku Davidi mbuyake; kuti wangupatukiya cha ku lamarghe pamwenga lamaze.

Sumu 132:12

Asani ŵana ŵako ŵasungenge phanganu langu, ndi malangulu gho ndiŵasambizgenge, ŵana ŵawo, nawo, ŵakajanga pa chitengo chako muyaya.”

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

Sumu 21:5

Unkhankhu wake ngukuru chifukwa cha chovyo chinu; ulemu ndi ukuru mukuvwarika paku iyo.

Sumu 91:16

Ndikaŵapaskanga mphoto ya umoyo utali, ndipo kwakuneneska ndikaŵataskanga.”

Nthanthi 3:16

Umoyo utali we ku janja lake la marghe; ku jenja la maze kwe vyuma ndi ulemu.

Nthanthi 3:2

pakuti ghakakupaskanga mazuŵa ghanandi ndi virimika vinandi vya umoyo ndi unandi wa likondwa.

Zekariya 3:7

“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa.

Machitidu gha Ŵakutumika 13:22

ndipo wati wamtuzgapo, wanguŵayuskiya Davidi, kuŵa karonga kwaku mweniyo wangusimikizga, wakuti, ‘Ndamsaniya Davidi, mwana waku Jese, munthu wakuyana ndi mtima wangu, yo wamchita makhumbu ghangu ghose.’

Marangu 25:15

Mweso wakufikapo ndi wakwene ndiwo muŵenge nawo, alinga kuti mazuŵa ghinu gharutiriyenge mu charu chenicho Ambuya Chiuta winu wakupaskani.

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.