1 ŴaKaronga 3:12 - Tonga Bible 1986

¹² awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

1 ŴaKaronga 3:12 ပူးပေါင်းရင်းမြစ်များ

1 ŴaKaronga 2:6

Viyo uchite kwakuyana ndi chinjeru chako, kweni ungazomerezganga nyivu zake kusikiya ku muunda mu chimangu cha.

1 ŴaKaronga 2:9

Viyo ungamulereskanga nge ngwambura kalema cha, pakuti ndiwe munthu wazeru; ukaziŵanga nchine ungwenere kuchita nayo, ndipo ukasiskiyanga nyivu zake ku muunde ndi ndopa.”

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

1 ŴaKaronga 5:12

Ndipo Ambuya angumpaska zeru Solomoni, nge ndimo angupangirana nayo, ndipo penga chimangu pakati paku Hiramu ndi Solomoni, ndipo yaŵa ŵaŵi ŵangulemberana chizomerezganu.

1 ŴaKaronga 5:9

Ŵaŵanda ŵangu ŵazengi nagho kusiskiya ku nyanja kutuwa ku Lebanoni, ndipo ine ndikaghachitanga ulaka nchiyaghara kuti vikenge mu nyanja kuya ku malo gho ukambenge, ndipo ndamukughafwatuliya penipa viyo iwe ukaghalondiyanga, ndipo ukakhorweskanga khumbu langu pakupaska chakurgha ku ŵanyumba yangu.”

1 Mikoka 29:25

Ndipo Ambuya angumuchita Solomoni kuŵa wambiri yikuru mukati mu ŵaYisraele wose ndi angumpaska mazaza gha ufumu ghenigho ghengavi kupaskika ku karonga we yose waku Yisraele, wakudanga kwaku iyo.

2 Mikoka 2:12

Hiramu wanguti so, “Atumbikike Ambuya Chiuta waku Yisraele, yo wakurenga kuchanya ndi pasi, yo wapaska karonga Davidi mwana wazero, wakuzazika vinjero ndi zero, mweniyo wakazengiyanga Ambuya kasopi, ndi wakazenganga nyumba yake ya ufumu.

Nehemiya 13:26

Si wangulakwa Solomoni karonga waku Yisraele chifukwa cha ŵanthukazi ŵa viyo? Mukati mu mitundu yinandi mwengavi karonga wakuyana nayo, ndipo wangwanjiwa kwaku Chiuta wake, ndipo Chiuta wangumumika kuŵa karonga pa ŵaYisraele wose: ndipuuli ŵanthukazi ŵa chilendo ŵangumulakwiska.

Sumu 10:17

Ambuya, imwe mukavwanga khumbo la ŵakuzika; mukakhozganga mitima yawo, mutegherezgenge gutu linu,

Nthanthi 2:6

Pakuti Ambuya apaska zeru; ku mlomo wawo kutuwa zeru ndi kuwamo;

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Wakutaula 1:16

Ndingurongoro mu mtima wangu, “Ndaŵa wa vinjeru vikuru, kuruska wose wo ŵenga mu Yerusalemu ine ndindaŵeko; ndipo mtima wangu waziŵa vikuru vya zeru ndi kuwamo.”

Yesaya 65:24

Ŵenga ŵandadane, ine ndamukenge, penipo ŵeche kurongoro, ine ndikavwanga.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Mateyu 12:42

Fumukazi yaku Maraŵi yiyukenge mu cheruzgu pamoza ndi mgonezi uwu, ndipo yiususkenge; pakuti yingutuwa ku vigoti vya charu kuvwa zeru yaku Solomone; ndipo ehe, wakuruska Solomone we panu.

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Marangu 34:9

Ndipo Yoswa mwana munthurumi waku Nuni wanguzazika ndi mzimu wachinjeru, pakuti Mosese wanguŵikapo manja paku iyo, ndipo ŵaYisraele ŵangumuvwiya kuchita uli ndimo Ambuya angulanguliya Mosese.

ŴaKolose 2:3

mwaku mweniyo mwe mbiku zose zakubisika za zeru ndi mziŵiru.