1 ŴaKaronga 22:8 - Tonga Bible 1986

⁸ Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

1 ŴaKaronga 22:8 ပူးပေါင်းရင်းမြစ်များ

Chiyambo 37:8

Ŵana ŵanyake ŵanguti kwaku iyo, “Kumbi mbuneneska kuti ukatiusanga iwe? Pamwenga mbuneneska kuti ukatitufuliyanga iwe?” Chifukwa cho ŵangurutizga so ukongwa kumutinkha chifukwa cha maloto ghake ndi mazu ghake.

1 ŴaKaronga 18:4

ndipo penipo Yezebelu wangubaya ŵa mchimi ŵa Ambuya, Obadiya wanguto ŵa mchimi machumi pe chumi (100) wanguŵabisa machumi ghankhonde ghankhonde mu mphanji, ndipo wanguŵapaska kurgha ndi maji.)

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

1 ŴaKaronga 19:14

Wanguti, “Ndachitiya sanje Ambuya, Chiuta wa maŵanja weni ukongwa; pakuti ŵaYisraele ŵajowo phanganu linu, ŵataya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija, ndajako, ndipo ŵapenja umoyo wangu, kuti ŵakoso.”

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

1 ŴaKaronga 22:13

Ndipo nthumi yo yingamudana Mikaya yinguti kwaku iyo, “Ehe, mazu gha ŵamchimi ngakuzomerezgana kuchimiya umampha pa karonga, mazu ghako nagho ughachite kuŵa ghakukozgana ndi mazu gha yumoza waku wo, ndipo ukambe gha umampha.”

1 ŴaKaronga 22:18

Sono karonga ŵaYisraele wanguti kwaku Yehosafati, “Kumbi ndengavi kukunene kuti, kuti wachimenge ghamampha paku ine cha, kweni ghaheni?”

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

1 ŴaKaronga 22:7

Kweni Yehosafati wanguti, “Kumbi kuno kulivi so mchimi munyake wa Ambuya yo tingafumbako?”

1 ŴaKaronga 22:9

Sono karonga ŵaYisraele wangudana wa mazaza ngana, wanguti, “Kamuto ruŵi Mikaya mwana waku Imla.”

2 ŴaKaronga 9:22

Ndipo penipo Yoramu wanguwona Yehu, wanguti, “Kumbi nchimangu, Yehu?” Iyo wangwamuka, “Pangaŵa chimangu cha mtundu uli penipo maureŵi gha anyoko a Yezebelu gheche ghanandi pamoza ndi maufwiti ghawo?”

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Sumu 34:21

Uheni ubayenge ŵaheni; ndipo wo ŵatinkha ŵarunji ŵasuskikenge.

Nthanthi 15:12

Wakunyoza kuti wakhumba kuchenyeka cha; kuti wakhumba kuya ku wazeru cha.

Nthanthi 29:10

Ŵanthu ŵakunweka ndopa ŵatinkha wambura kalema, ndipo wamphulupulu wapenja umoyo wake.

Nthanthi 9:8

Reka kuchenya ŵakuyeya, vinu ŵangakutinkha; chenya munthu wa zeru, ndipo wakakwanjanga.

Yesaya 3:11

Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 36:23

Yehudi wanguti waŵerenga vigaŵa vitatu pamwenga vinayi, karonga wangucheketa ndi chimayi ndi kutaya pa moto mu chiyaŵi, mpaka po buku lose lakuzinga lingumaliya pa moto wo wenga mu chiyaŵi, cha mkuŵa.

Yeremiya 38:4

Sono ŵaraŵara ŵanguti ku karonga, “Uyu munthu wabayki, pakuti wagongoweska manja gha ŵankhondo ŵeniwo ŵakujamo mu msumba uwu, ndi manja gha ŵanthu wose, pakurongoro mazu viyo kwaku wo. Pakuti uyu munthu kuti wapenja umoyo wamampha paku yaŵa ŵanthu cha, kweni kupwetekeka ndiko.”

Amosi 5:10

Ŵatimutinkha yo wachenya mu likomo, ndi ŵanyanyara nayo yo wakamba uneneska.

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Mika 2:7

Kumbi ichi chitenere kukambika, imwe mwa nyumba yaku Yakobe? Kumbi kuti mzimu wa Ambuya ngwa kuzika cha? Kumbi iyi ndiyo milimu yake? Kumbi mazu ghangu kuti ghachita umampha cha kwaku yo watenda kwakurunjika?

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

Yohane 17:14

Ine ndaŵapaska mazu ghinu; ndipo charu cho chaŵatinkha, pakuti kuti mba charu cha, nge ndimo ine ndiriri wa charu cha.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

ŴaGalatia 4:16

Viyo na, kumbi ndaŵa wamawongo winu pakumuneneskiyani?