1 ŴaKaronga 22:6 - Tonga Bible 1986

⁶ Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

1 ŴaKaronga 22:6 ပူးပေါင်းရင်းမြစ်များ

1 ŴaKaronga 12:9

Ndipo wanguti kwaku wo, “Nchine cho mutindipanga kuti nkhamuke ŵanthu wo ŵangundifumba kuti, ‘Uyuyuske goŵa lo ausu ŵakuŵika paku ifwe’?”

1 ŴaKaronga 18:19

Viyo sono tuma ndi uwungang'e ŵaYisraele wose kwangu pa phiri Karmele, ndi ŵamchimi machumi pe chumi ghanayi ndi machumi ghankhonde (450) ŵaku Bala ndi ŵa mchimi machumi pe chumi ghanayi (400) ŵaku Ashera, ŵeniwo ŵaturgha pa gome laku Yezebelu.”

1 ŴaKaronga 18:20

Viyo Ahabu wangutuma ku ŵaYisraele wose ndi wanguwungang'a pamoza ŵa mchimi pa Phiri Karmele.

1 ŴaKaronga 22:10

Sono karonga ŵaYisraele ndi karonga waku Yuda wanguja pa vitengo vyawo vya ufumu ŵakuvwara makhanjo ghawo pa mbuli pa likomo lakuserere mu Samaria, ndipo ŵamuchimi wose ŵachimanga paurongo pawo.

1 ŴaKaronga 22:15

Ndipo wanguti waza ku karonga, karonga wanguti, “Mikaya, kumbi tirutenge ku Ramoti-gileada ku nkhondo, pamwenga tireke?” Iyo wangumwamuka, “Kweriyaniko mwamupunda. Ambuya akawuperekanga mu janja la karonga.”

1 ŴaKaronga 22:5

Ndipo Yehosafati wanguti ku karonga ŵaYisraele, “Udange chafumbiliya mazu gha Ambuya.”

2 ŴaKaronga 10:19

Chifukwa cho sono ŵadaniyeni kwangu ŵamchimi wose ŵaku Bala, ŵakumsopa ŵake wose, ndi ŵazukuru ŵake wose, pawulevi wakusoŵeka, pakuti ndendi sembe yikuru kupereka kwaku Bala, ndipo yose yo warekenge kuŵapo kuti wakajanga wamoyo cha.” Kweni Yehu wanguchita ichi ndi uchenjezi alinga waŵamare wose ŵakusopa Bala.

2 ŴaKaronga 3:13

Ndipo Elisha wanguti ku karonga waYisraele, “Nde nawe ndi chine iwe? Ruta ku ŵamchimi ŵa ausu, ndi ŵamchimi ŵa anyoko.” Kweni karonga waYisraele wanguti kwaku iyo, “Awa, MbAmbuya wo ŵadana ŵakaronga ŵatatu yaŵa kuŵapereka mu janja laku Moabu.”

2 Mikoka 18:14

Ndipo wanguti wafika ku karonga wanguti kwaku iyo, “Mikaya, kumbi tirutenge ku Ramotigileada kwa chipota homwa pamwenga tireke?” Ndipo iyo wanguŵamuka, “Rutaninge, mwamkuŵa ndi mwaŵi; ŵamperekeka mu janja linu.”

Yesaya 36:10

Nakweni-nako, kumbi ine ndaza kwambura Ambuya kuzachichiparghang'a charu ichi? Ambuya anguti kwaku ine, Ruta, kwera kwachirwa ndi charu ichi, ndi ukachiparghang'e.’ ”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

2 Timote 4:3

Chifukwa yikazanga nyengo penipo ŵarekenge kuvwiyapo chisambizgu cho chizirima kweni pakuŵa ndi makutu ghakunyenye, ŵajiunjikiyenge ŵasambizgi kwakuyana ndi malikhumbira ghaku ŵija;

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.