1 ŴaKaronga 22:23 - Tonga Bible 1986

²³ Sono awona, Ambuya aŵika mzimu wakupusika mu mlomo wa ŵamchimi ŵako wose yaŵa; Ambuya akamba chiheni chapaku iwe.”

1 ŴaKaronga 22:23 ပူးပေါင်းရင်းမြစ်များ

Ezekiele 14:9

Ndipo asani mchimi wanyengeka, ndi wakamba kanthu, ine, Ambuya, ndine ndapusika mchimi yuwa, ndipo nkhanyoroskiyanga janja langu paku iyo, nkhamuparghang'anga mukati mu ŵanthu ŵangu ŵaYisraele.

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Yesaya 3:11

Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

1 ŴaKaronga 20:42

Ndipo wanguti kwaku iyo, “Atiti viyo Ambuya, ‘Chifukwa wazomerezga kutuwamo mu manja ghako munthu mweniyo ndakombole ku kunangika, chifukwa cho umoyo wako ukaserenga pa umoyo wake, ndi ŵanthu ŵako pa ŵanthu ŵake.’ ”

Marangu 2:30

Kweni Sihoni fumu yaku Heshiboni yinguzomera cha kuti tikiye kwake, pakuti Ambuya Chiuta widu wangunonopeska mtima wake mwakuti wamupereke mu janja linu, nge ndimo kulili zuŵa lino.

Maŵerengedu 24:13

‘Chingana Balaki wangundipaska nyumba yake yakuzaza siliva ndi golide, kuti ndingajumpha mazu gha Ambuya cha, kuchita chamampha pamwenga chiheni pa khumbu laku ine ndija; chenicho Ambuya akamba, ndichu nane nkhakambanga?’

1 ŴaKaronga 21:19

Ukanene kwaku iyo, ‘Viyo atiti Ambuya, “Kumbi wabaya ndi kuphanga so?” ’ Ndipo ukanene, kuti, ‘Viyo atiti Ambuya, “Mu malo mwenimo ŵagaru ŵanyanganga ndopa zaku Naboti, ndimu so ŵagaru ŵakanyanganga ndopa zako.” ’ ”

Chituwa 10:20

Kweni Ambuya angunonopeska mtima waku Farao, ndipo kuti wanguzomerezga ŵana ŵaku Yisraele kuruta cha.

Chituwa 4:21

Ndipo Ambuya anguti kwaku Mosese, “Utakuti wawere ku Egipiti ukawone kuti wachita vya minthondwi vyose paurongo paku Farao vyenivyo ndaŵeka mu nthazi yako; kweni ndamunonopeska mtima wake, viyo wamuzomerezga cha kuti ŵaYisraele ŵakarutenge.

1 ŴaKaronga 22:24

Sono Zedekiya mwana waku Kenani wangundere kufupi, wangupuma Mikaya pa dakama, wanguti, “Ungutuwako uli Mzimu wa Ambuya kwangu kwachirongoro ndi iwe?”

Ŵeruzgi 9:23

Ndipo Chiuta wangutuma mzimu uheni pakati paku Abimeleke ndi ŵanthu ŵamu Shekemu; ndipo ŵanthu ŵamu Shekemu ŵanguchita nayo kwakupusika Abimeleke;

Yeremiya 18:11

Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’