1 ŴaKaronga 21:3 - Tonga Bible 1986

³ Kweni Naboti wanguti kwaku Ahabu, “Ambuya ŵakana kuti ndikupaske chihara cha ada.”

1 ŴaKaronga 21:3 ပူးပေါင်းရင်းမြစ်များ

Chiyambo 44:17

Kweni iyo wanguti, “Chindiŵiye kutali ine kuti ndichite viyo! Munthu mweniyope kapu wasanirika mu janja lake wakaŵanga muŵanda wangu, kweni kwaku imwe rutani mu chimangu ku uskemwe.”

Chiyambo 44:7

Iwo ŵanguti kwaku iyo, “Chifukwa chine mbuya widu waŵereŵeta mazu ghakuŵa nge ndi yagha? Chiŵiye kutali ku ŵateŵeti wako kuti ŵangachita chinthu cha viyo!

1 Mikoka 11:19

Wanguti, “Chindiŵiye kutali kuti ndichiti ichi paurongo paku Chiuta wangu. Kumbi ndimwenge ndopa zamoyo za ŵanthu yaŵa? Ŵeniwo ŵaza ndi maji pakujipata maumoyo ghawo.” Mu chifukwa cho kuti wangumwa cha. Vinthu ivi vinguchitika ndi ŵanthu ŵanthazi ŵatatu.

Jobu 27:5

Nanga nkhamanavi kose kuti ndingazomerezga cha kuti ndimwe ŵarunji; kuti ndingataya chigomezgu changu cha mpaka ku nyifwa.

Ezekiele 46:18

Karonga wareke kuto che chose chihara cha ŵanthu, kuŵatuzgamo mu usambasi wawo ndi wawo; wapaske ŵana ŵake nge nchihara chawo usambasi wakutuwa mu chuma chaku iyo mweneko, alinga kuti pawulevi yumoza yo wakaphangikanga usambasi mu ŵanthu ŵangu.”

ŴaLevi 25:23

Paulevi kuguliskiya limu charu, pakuti charu nchangu; imwe mutuza mwaku cho nge mbalendo ndi ŵakutandara.

Maŵerengedu 36:7

Chihara cha ŵaYisraele chireke kusinthika kutuwa ku fuku ili kuya ku fuku kiya; yose wa ŵaYisraele wakamelemetiyanga ku chihara cha fuku la suskeu.

Maŵerengedu 36:9

Viyo palivi chihara cho chikasinthikanga kutuwa ku fuku limoza kuya ku linyake; chifukwa fuku ndi fuku likamelemetiyanga ku chihara chake.’ ”

ŴaRoma 3:31

Viyo ndi chivwanu tiwayuwa chilangulu kumbi? Kungaŵanga viyo cha! Kweni tikhozga chivwanu.

ŴaRoma 3:4

Kungaŵa viyo cha! Kweni waŵe muneneska Chiuta chingana munthu yose waŵa mtesi; nge ndimo kwalembeke, “Alinga kuti murunjiskike mu mazu ghinu, ndi mupunde mucheruzgika imwe.”

ŴaRoma 3:6

Kungaŵanga viyo cha! Ipu Chiuta wamkweruzga uli charu?

ŴaRoma 6:15

Na uli kumbi tilakwenge, pakuti kuti te pasi pa chilangulu cha, kweni pasi pa wezi? Kungaŵanga viyo cha!

ŴaRoma 6:2

Kungaŵanga viyo cha! Taŵenifwe tingufwa ku ulakwi, tijaririyenge ŵamoyo so uli mwenimo?

ŴaRoma 7:13

Viyo kumbi cho nchamampha chingundiŵiya nyifwa? Kungaŵa viyo cha! Kweni ulakwi ndi wo, wakuchitiya nyifwa mwaku ine mwaku cho nchamampha, mwakuti ulakwi uwoneke kuti mbulakwi, kuti ulakwi mwa langulu lo ungaŵadi ulakwi ukuru.

ŴaRoma 7:7

Titingenji na? Kumbi chilangulu cho nchaulakwi? Kungaŵanga viyo cha! Kweni mphanyi ndengavi kuteska ulakwi, mo uliri, kwambura chilangulu cho; chifukwa mphanyi kuti ndaziŵa chiŵinu nacho cha, asani chilangulu cho chengavi kunena, “Ungaŵiniwa cha”;

1 ŴaKorinte 6:15

Asi muziŵa kuti maliŵavu ghinu ndi viŵaru vyaku Kristu? Kumbi nditonge viŵaru vyaku Kristu, ndi kuvisanduska viŵaru vya munthukazi mureŵi? Kungaŵanga viyo cha!

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

Yoswa 22:29

Chitiŵiye kutali ifwe kuti tigarukiye Ambuya, ndikutuwako msana wale ku kurondo Ambuya pa kuzenga jochero la mpasku wakocha, mpasku wa ufwa, pamwenga sembe, kupambana ndi jochero la Ambuya Chiuta widu lo lituma paurongo pa chihema chake chakuwunganamo!”

Yoswa 24:16

Penipo ŵanthu ŵangwamuka, “Tingasiya Ambuya cha kutataliya ŵachiuta ŵanyake;

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 24:6

Wanguti ku ŵanthu ŵake, “Ambuya akana kuti ndichiti chinthu ichi ku mbuyangu kuti ndimusoske janja langu kumikana nayo, pakuti ngwakupakika wa Ambuya.”