1 ŴaKaronga 2:6 - Tonga Bible 1986

⁶ Viyo uchite kwakuyana ndi chinjeru chako, kweni ungazomerezganga nyivu zake kusikiya ku muunda mu chimangu cha.

1 ŴaKaronga 2:6 ပူးပေါင်းရင်းမြစ်များ

Chiyambo 42:38

Kweni iyo wanguti, “Mwana wangu kuti mukarutanga nayo cha, pakuti muku wake wakufwa, ndipo wakujapo iyo pe. Asani urwani unga muwiya pa ulendo weniwo mukaŵanga nawo, mukatoliyanga sisi langu lanyivu ku muunda ndi chitima.”

Chiyambo 9:5

Ndopa za umoyo winu, kwakuneneska ndikakhumbanga kuzifumbiliya; ku chinyama chose ndizifumbiliyenge ndi ku munthu; ku mbali wa munthu we yose ndikakhumbanga umoyo wa munthu.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

1 ŴaKaronga 2:7

Kweni uŵachitiye ulemu ŵana ŵaku Barzilai mu Gileada, ndipo uŵaŵike pamoza ndi wo ŵaturgha pa gome lako, chifukwa iwo ŵanguzachikumana nane ndi kujipereka pa gome lako, chifukwa iwo ŵanguzachikumana nane ndi kujipereka pa nyengo yo ndinguthaŵiya kwaku Absalomu mwana munyako.

1 ŴaKaronga 2:9

Viyo ungamulereskanga nge ngwambura kalema cha, pakuti ndiwe munthu wazeru; ukaziŵanga nchine ungwenere kuchita nayo, ndipo ukasiskiyanga nyivu zake ku muunde ndi ndopa.”

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

2 ŴaKaronga 22:20

Chifukwa cho, ehe, ndikakuwunjikanga pamoza ndi ausu, ndipo ukasikiyanga ku muunda wako mu chimangu, ndipo maso ghako kuti ghakawonanga mauheni ghose gho ndikatolenga pa malo yagha cha.’” Ndipo ŵanguwezge mazu ku karonga.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Nthanthi 20:26

Karonga wazeru waziŵa ŵamphulupulu, ndipo wapiska mkombelo paku wo.

Nthanthi 28:17

Asani munthu wanyekezgeka ndi ndopa za munyake waŵe wakuthaŵathaŵa mpaka nyifwa; paulevi wakumovya.

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Yesaya 48:22

“Kulivi chimangu,” atiti Ambuya “ku ŵaheni.”

Yesaya 57:2

wasere mu chimangu; ŵapumuwa mu vita vyawo wo ŵatenda mu ukongorekwa wawo.

Yesaya 57:21

Kulivi chimangu, watiti Chiuta wangu, ku ŵaheni.”

Yesaya 65:20

Kuti mukawonekanga so litema lakuja lamoyo mazuŵa ghamanavi cha muwa, pamwenga khongwe lambura kufiska mazuŵa ghake, pakuti mwana wakafwanga wachiŵa mura wa virimika machumi pe chumi, ndipo muheni wa ura wa virimika machumi pe chumi wakaŵanga wakutembeka.

Maŵerengedu 35:33

Viyo mureke kukazuzga charu cho mujamo; pakuti ndopa zikazuzga charu, ndipo palivi thumba lo lingaziŵa kuwombo charu pa chifukwa cha ndopa zo zidikamo, kweni ndi ndopa zakumweniyo pe wanguzidira.