1 ŴaKaronga 2:44 - Tonga Bible 1986

⁴⁴ Karonga wanguti kwaku Shimei, “Uziŵa mu mtima wako mauheni ghose gho unguchitiya ada Davidi; viyo Ambuya akawezgiyanga uheni wako pa mutu waku wamweni.

1 ŴaKaronga 2:44 ပူးပေါင်းရင်းမြစ်များ

1 ŴaKaronga 2:43

Na chifukwa nchine wareka kusunga rapu lako ku Ambuya ndi langulu lo ndingukuchenjezga nalo?”

2 ŴaKaronga 11:1

Penipo Ataliya nyina waku Ahaziya wanguwona kuti mwana wake wafwa, wangusoka ndi wangubwanganduwa mbumba yose ya ukaronga.

2 ŴaKaronga 11:12

Sono wangutuzga mwana wa karonga wangumuvwarika chifuku wangumupaska phanganu, ndipo wangumumemeza kuti ndi karonga, wangumupaka mafuta, sono wose ŵangumba manja ghawo ndi ŵanguti, “Waŵe ndi umoyo utali karonga!”

Sumu 109:20

Iyi yiŵe mphoto yakutuliya ku Ambuya pa wakupindikana ŵangu, wo ŵakamba vinthu vyakofya nge ndi ivi paku ine!

Sumu 7:16

Uheni wake uwere pa mutu waku iyo mweneko, ndipo nkhaza zake zisikiya pa liwombo la mweneko.

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Ezekiele 17:19

Chifukwa cho atiti Ambuya Chiuta: Mo ndiliri wamoyo, nadidi rapu langu lo wangunyoza, phanganu langu lo wanguswa, ndikaviwezgiyanga pa mutu wake.

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Yohane 8:9

Kweni iwo, ŵati ŵavwa yagha, wasotopokangamu yumoza-yumoza, kwanda ku ŵara mpaka ku ŵakumariya: Yesu wangusiyika yija, ndi munthukazi yo wakuma mukati.

ŴaRoma 2:15

mwakuti ŵarongo iwo kuti nchitu ya chilangulu cho yilembeka mu mitima yawo, njuŵi zawo zakusimikizgiyapo, ndi maghanaghanu ghawo, limoza ku linyake, ghakuŵapanikizga pamwenga ghakuŵapandiriska;

1 Yohane 3:20

mwaku chose chenicho mtima widu ungatisuska; pakuti Chiuta ndi mkuruku ku mtima widu, ndipo waziŵa vyose.

1 Samuele 25:39

Davidi wanguti wavwa kuti Nabala wafwa, wanguti, “Atumbikike Ambuya wo awezge nduzga kupwetekeka ko ine ndinguronde pa janja laku Nabala, ndipo wasungirizga ndamteŵeti wake ku kwananga, Ambuya awezge uheni waku Nabala pa mutu wake.” Ndipo Davidi wangutuma kwa chifumba Abigaili, kuti waŵi muwoli wake.