1 ŴaKaronga 2:32 - Tonga Bible 1986

³² Ambuya akawezgiyanga nchitu zake za ndopa pa mutu wa mweneko, chifukwa, kwambura kuziŵa ada Davidi, wangukoso ndi wangubaya ndi lipanga ŵanthu ŵaŵi ŵarunji kwakuruska iyo, ndi ŵamampha kwakuruska iyo, Abneri mwana waku Neri mura wa nkhondo yaku Yisraele, ndi Amasa mwana waku Jeteri, mura wa nkhondo yaku Yuda.

1 ŴaKaronga 2:32 ပူးပေါင်းရင်းမြစ်များ

Chiyambo 4:11

Ndipo sono we wakutembeka ku nyata, yo yajura mlomo wake kuronde ndopa za mhurwa wako kuturiya ku janja lako.

Chiyambo 42:22

Ndipo Rubene wangwamuka kuti, “Kumbi ndengavi kukuneniyani ine kuti mungananga pa mhurwa yo cha? Kweni mungukana kundivwa. Viyo sono patuza chilangu cha ndopa zake.”

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

2 Samuele 1:16

Davidi wangunena nayo, “Ndopa zako ziŵi pa mutu wako; pakuti mlomo wako wakuŵiya kaboni wamweni, kuti, ‘Ndabaya wakupakika wa Ambuya.’ ”

2 Samuele 17:25

Sono Absalomu wanguŵika Amasa kuŵa chirongozgi wa nkhondo mu malo mwaku Yoabu. Amasa wenga mwana wa munthu zina lake Itra muIshimaele, yo wanguto Abigaili mwana munthukazi waku Nahasha, mzichi waku Zeruya anyina aku Yoabu.

2 Samuele 3:29

Zidike pa mutu waku Yoabu, ndi nyumba yose ya awiske; ndi kuti nyumba yaku Yoabu yireke kusoŵeka nanga njumoza cha wakuŵa ndi nthenda yakusuruwa ndopa, pamwenga wakuŵa ndi makhate, pamwenga wakwende ndodo, pamwenga wakubayika ndi lipanga, pamwenga wakusoŵa chiŵande.”

2 Samuele 3:37

Viyo khamu lo ndi ŵaYisraele wose ŵanguziŵa zuŵa liya kuti, kuti lenga khumbu la karonga cha kuti Abnere mwana waku Nere wabayike.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

2 Samuele 4:11

Iku uli ukongwako, po ŵanthu ŵaheni ŵabaya munthu wakurunjika mu nyumba yake pa chita chake, kumbi sono asi ndipenjenge ndopa zake pa janja linu ndi kumutuzganiko imwe ku charu cha pasi?”

1 ŴaKaronga 2:44

Karonga wanguti kwaku Shimei, “Uziŵa mu mtima wako mauheni ghose gho unguchitiya ada Davidi; viyo Ambuya akawezgiyanga uheni wako pa mutu waku wamweni.

1 ŴaKaronga 2:5

“Ndipo so uziŵa chenicho Yoabu mwana waku Zeruya wanguchita kwangu, ndi mo wanguchitiya ndi ŵara ŵaŵi wakulamula maŵanja ghankhondo gha ŵaYisraele, Abnere mwana waku Neri, ndi Amasa mwana waku Jeteri, ŵeniwo ŵangubaya, kutaya theyu mu nyengo ya chimangu ndopa zo zingudika mu nkhondo, ndipo kuŵika ndopa zambura kalema pa lamba lamu chiunu changu, ndi pa viyato vya marundi ghangu.

1 ŴaKaronga 8:32

iku vwani imwe kuchanya ko, ndipo chitani, muŵeruzge ŵaŵanda ŵinu, kususka wakulakwa yo pakutole pa mutu wa mwenecho vyo wachita, ndi kupaska chirewa ku wakurunjika yo pakumupaska mwenera wa urunji wake.

2 Mikoka 21:13

kweni wenda mu nthowa za ŵakaronga ŵaku Yisraele, ndipo wa chitiska Yuda ndi ŵakuja mu Yerusalemu uheni kuyana ndi ureŵi wa nyumba yaku Ahabu, ndipo so wakoso ŵabali ŵako ŵamu nyumba ya ausu wo ŵenga wamampha kuruska iwe;

2 Mikoka 21:14

ona, Ambuya akosonge ŵanthu ŵako ndi nthenda yikuru ndi ŵana ŵako ndi ŵawoli ŵako ndi vyuma vyako vyose;

Estere 1:19

Asani nkhwakukondweska karonga iku dangu lituwiye ku karonga ndipo lilembeke pamoza ndi marangu gha ŵaPerese ndi ŵaMedia kuti lireke kusinthika, lakuti Vashite wareke kuzaso paurongo pa karonga Ahaswerusi, ndipo karonga wapaske malo ghake gha ufumukazi ku munyake yo ngwamampha kwakuruska iyo.

Sumu 7:16

Uheni wake uwere pa mutu waku iyo mweneko, ndipo nkhaza zake zisikiya pa liwombo la mweneko.

Sumu 7:17

Ndiperekenge viwongo kwaku Chiuta kwakuyana ndi urunji wake, ndipo ndikoŵeriyenge ku zina la Ambuya apachanya ukongwa.

Ezekiele 17:19

Chifukwa cho atiti Ambuya Chiuta: Mo ndiliri wamoyo, nadidi rapu langu lo wangunyoza, phanganu langu lo wanguswa, ndikaviwezgiyanga pa mutu wake.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Ŵeruzgi 9:24

mwakuti nkhaza zo zinguchitika ku ŵana machumi ghankhonde ndi ghaŵi ŵaku Yerubala zitenere kuza, ndi kuti ndopa zawo zisikiye paku Abimeleke mwana munyawo, yo wanguŵabaya, ndi paŵanthu ŵamu Shekemu wo ŵangukhozga manja ghake kuti wabaye ŵabali ŵake.

Ŵeruzgi 9:57

Ndipo Chiuta wanguchitiska kuti uheni wa ŵanthu ŵamu Shekemu uwere pa mitu yawo, ndipo thembo laku Yotamu mwana waku Yerubala nalo so linguza paku iwo.

1 Samuele 15:28

Samuele wanguti kwaku iyo, “Ambuya aparuwa ufumu waku Yisraele kutuwa kwako msana wale, ndipo awupereka ku mwanasi wako, yo ngwamampha kuruska iwe.