1 ŴaKaronga 2:3 - Tonga Bible 1986

³ ndipo usunge dangu la Ambuya Chiuta wako, kwenda mu nthowa zake, ndi kusunga marangu ghake, malangulu ghake, vyeruzgu vyake, ndi visimisimi vyake, nge ndimo kwalembeke mu dangu laku Mosese, alinga kuti usakatenge mwaku chose cho uchita ndi kose ko urata;

1 ŴaKaronga 2:3 ပူးပေါင်းရင်းမြစ်များ

2 Samuele 8:14

Ndipo wanguzenga malinga mu Edomu, ghanguzungulizga Edomu yose, ndipo wose ŵaEdomu ŵanguŵa ŵaŵanda ŵaku Davidi. Ambuya angumupaska upundi Davidi kose ko wangwenda.

2 Samuele 8:6

Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

1 ŴaKaronga 3:3

Solomoni wangwanja Ambuya, wakwenda mu marangu ghaku Davidi wiske; chimoza pe, wangupereka sembe zakocha pa malo gha pachanya.

2 ŴaKaronga 18:7

Ndipo Ambuya ŵenga nayo pamoza, kweniko kose wanguya wangusakata. Wangugarukiya karonga wa Asiriya, wangukana kumteŵete.

1 Mikoka 29:19

Mupaske kwaku Solomoni mwana wangu mtima wakufikapo kusunga marangu ghinu, visimikizgu vinu, ndi vilayizgu vinu ndi kuchita vyose ivi ndi kuti wazenge nyumba yo ndalongosole limu vya nchitu yake.”

Sumu 119:111

Visimisimi vinu nchihara changu cha muyaya; ndivyo likondwa la mtima wangu.

Sumu 119:138

Vyeruzgu vyo mwapaska vyamampha ndi vyakurunjika.

Sumu 119:2

Ŵakutumbikika mbeniwo ŵasunga visimisimi vyawo, wo ŵati ŵapenja ndi mtima wawo wose.

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

ŴaLevi 8:35

Mukajanga msana ndi usiku pa khomo la hema lakuwunganamo mazuŵa ghankhonde ndi ghaŵi kufiska vyo Ambuya alangula, vinu mungafwa; pakuti viyo ndimo ndalangulikiya.”

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Marangu 29:8

Tinguto charu chawo ndi tinguchipaska kuŵa chihara ku ŵina Rubene, ŵina Gadi, ndi mtundu wa nusu waku Manase.

Marangu 29:9

Chifukwa ichi phwereni kuchita mazu gha phanganu ili, alinga kuti musakati mwaku chose cho mukachitanga.

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 4:45

Ivi ndivyo makani ndi vilayizgu, ndi vyeruzgu vyenivyo Mosese wangukambiya ŵana ŵaku Yisraele pavuli pa kutuwa kwawo mu Egipiti.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Marangu 4:8

Ndipo so palivi mtundu ukuru wa ŵanthu ŵendi visambizgo ndi vyeruzgu vya urunji nge ndi dangu lose ili, lenilo ndimika panthazi pinu msana wale?

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

Yoswa 23:6

Pa chifukwa ichi muŵe ŵakukoreska kusunga ndi kuchita vyose vyo vikulembeka mu buku laku Mosese, kwambura kung'anamukako kwaku lo kurazga ku marghe pamwenga ku maze,

1 Samuele 18:14

Ndipo Davidi wanguchita umamphavi nchitu zose zo zingupaskika kwake; chifukwa Ambuya ŵenga nayo.

1 Samuele 18:30

Ndipo mafumu gha ŵaFilisti ghazanga ku nkhondo, ndipo pose po ŵanguziya, Davidi wanguchita umampha kuruska ŵateŵeti wose ŵaku Sauli; mwakuti zina lake linguvwika ukongwa.

1 Samuele 18:5

Davidi wangutuwa kuruta ndipo wanguchita umampha kose ko Sauli wangumutuma, rekani Sauli wangumuŵika pachanya pa ŵankhondo. Ndipo ichi chinguŵa chakunozga mu maso gha ŵanthu wose ndipo ndi mu maso gha ŵateŵeti ŵaku Sauli.