1 ŴaKaronga 2:29 - Tonga Bible 1986

²⁹ Ndipo ŵanguti ŵamunene karonga Solomoni, “Yoabu wathaŵiya ku hema la Ambuya ndipo awonani, we pafupi ndi chiguŵa.” Solomoni wangutuma Benaya mwana waku Yehoyada, wakuti. “Ruta, kamkosole pasi.”

1 ŴaKaronga 2:29 ပူးပေါင်းရင်းမြစ်များ

2 Samuele 8:18

Benaya mwana waku Yehoyada wenga wapachanya pa ŵaKerete ndi ŵaPelete, ndipo ŵana ŵaku Davidi ŵenga ŵazukuru.

1 ŴaKaronga 2:25

Viyo karonga Solomoni wangutuma Benaya mwana waku Yehoyada; ndipo wangumukosore pasi, Adoniya wangufwa.

1 ŴaKaronga 2:30

Viyo Benaya wanguza ku hema la Ambuya, ndipo wanguti kwaku iyo, “Karonga walangula, ‘Tuwapo.’ ” Kweni iyo wanguti, “Awa, Ndikafwiyanga penipano.” Sono Benaya wangwachinene so karonga wanguti, “Umo ndimu wakambiya Yoabu, ndipo viyo ndimu wandamukiya.”

1 ŴaKaronga 2:31

Karonga wangumwamuka, “Kachite nge ndimo wakambiya, kamukosole pasi ndi ukamuŵike, mwakuti mutuzgeko kwangu ndi ku nyumba ya ada kalema ka ndopa zo wangudiska kwambura chifukwa.

1 ŴaKaronga 2:46

Sono karonga wangulanguliya Benaya mwana waku Yehoyada; ndipo wangutuwa wangumukorore pasi, ndi ŵangufwa. Viyo ufumu ungujarikika mu janja laku Solomoni.

Chituwa 21:14

Kweni asani munthu wakoso munyake yo wamufinganga kale kuti wamubaye, mukamutuzgangako ku chiguŵa changu cha sembe, kuti wafwe.

Nthanthi 28:17

Asani munthu wanyekezgeka ndi ndopa za munyake waŵe wakuthaŵathaŵa mpaka nyifwa; paulevi wakumovya.

Ezekiele 9:6

kosoni ŵanthu, ŵara, ŵanyamata, ŵamwali, ŵana ndi ŵanthukazi, kweni rekani kukwaska nanga njumoza wa ŵakuŵa ndi chisimikizgu wo. Ndipo mwambe pa malo ghangu ghakupaturika.” Viyo ŵangwamba pa ŵaraŵara wo ŵenga pa khomo la nyumba.

1 Petro 4:17

Pakuti ndi nyengo yakuti cheruzgu chiyambenge pa nyumba yaku Chiuta: kweni asani chidanga paku ifwe; chiŵenge chine chigoti cha ŵakutafuliya evangeli waku chiuta?