1 ŴaKaronga 2:19 - Tonga Bible 1986

¹⁹ Viyo Betesheba wanguruta ku karonga Solomoni, kwachiŵereŵeta nayo ghaku Adoniya. Ndipo karonga wangusoka kwachikumana nayo, wangukotamiya iyo, pavuli wanguja pa chitengo ndipo wangudana chakujapo nyina wakaronga: ndipo wanguja ku marghe ghake.

1 ŴaKaronga 2:19 ပူးပေါင်းရင်းမြစ်များ

Chiyambo 48:12

Sono Yosefe wanguŵatuzgapo pa makongono ghake, ndipo wangukotama kurazga chisku chake pasi.

1 ŴaKaronga 15:13

Wangutuzgamo so ndi anyina Maka wo ŵenga fumukazi chifukwa ŵenga ndi ngoza wa ukazuzi yo wangupangikiya Ashera; Asa wangudumuliya pasi ngoza wawo ndi kumocha pa kamsinje ka Kidroni.

1 ŴaKaronga 2:18

Betesheba wanguti, “Chamampha; ndamkukuŵereŵete ku karonga.”

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Sumu 45:9

ŵana ŵanthukazi ŵa ŵakaronga ŵe mukati mu ŵamwali ŵinu ŵakutumbikika; karonga munthukazi watuma pa janja linu la marghe mu golide laku Ofiri.

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

ŴaLevi 19:32

“Muperekenge ulemu ku khongwe la nyivu, mutumbikenge ŵanthu ŵara, ndipo mopenge Chiuta winu, Ndine Ambuya.

Mateyu 25:33

ndipo wakajarikanga mberere zo ku janja lake la marghe, kweni mbuzi zoku maze.